HLAZY 72:15 - Mara Bible RV (BSI)

¹⁵ Abei cha hroh pareih sala, Sebâ ngôh piepa châ mawh sy! Ano châta khâ thlahchhâ ei sala, Noh y ta byhnâ awpa mawh ei sy!

HLAZY 72:15 Cross References

1 ABEIZY 10:10

Chatanachata Sebâ Beinô ta Bei Sawlawmaw cha ngôh talent 120 nata ia-ô hluhpi nata lôsôhpazy pie ta. Sebâ Beinô ta Sawlawmaw a piepa ia-ô tlu ta a hluhpa a ngia beih khao vei.

1 ABEIZY 10:14

Sawlawmaw liata kô kha chhôh ta ngôh a ngiapa cha talent 666 a châ.

2 THÂTIHZYRONA 9:1

Sawlawmaw moh pathâhnazie Sebâ beinô ta a thei nahta, Sawlawmaw cha bie khiakhi ngaitapazy ta pasia awpa ta Zerusale lâ a khy ta. Zituhpa hluhpi nata ia-ôzy nata ngôh nata lôsôhpa hluhpi phaoh ta, râraoseihpazy chhaota khy ta. Sawlawmaw kô a tlô nahta, a palôh liata bie a ypa zydua chho ta.

HLAZY 21:4

Hrona cha hiah ta, pie chi ta, Chhâzaw nata tlyzaw ta noh pasina na pie.

HLAZY 45:4

Biehmeiseihpa nata areisina nata siana châta, Nâ beina ta pahniena arâ kiah la, Na ku chachâh lâta hmo rarôh ypazy cha pachu mawh sy!

HLAZY 72:19

A moh rônahpa cha chhâzaw ta reithaipa ta y sala, Leilô zydua he a rônahna ta bie mawh sy! Amen! Amen!

ISAI 60:6

Râraoseihpa hluh ngaitapazy ta Cha pahly aw ei ta; Midia nata Epha liata râraoseihpa lochopazy ta Ama cha pahly aw; Sebâ râraoseihpa zydua vaw tlô khai aw ei ta, Ngôh nata deiryh zy vaw phaopa ta, Abeipa reithaina thâtihpha ama vaw tlôkhei aw.

MATHAI 2:11

O chhôh lâ a ngia ei ta, hawsaih cha a nô Mâri hnohta hmô ei ta, a bôhpa ta a naoh ei ta. Ama ryubyhzy pahy ei ta, hmosaipa ngôh, deiryh nata myrâ zy pie ei ta.

MATHAI 21:9

A hmia lâta a siepa nata a hnôh lâta a pazipa zawpizy ta, “Dâvi Sawchapawpa hnohta Haozanâ! Abeipa moh ta a vypa cha reithaipa ta y mawh sy! Chônôchaipa liata Haozanâ y mawh sy!” tahpa ta awh ei ta.

MATHAI 6:10

Na khinarâh vaw tlô mawh sy. Na khopa vârâh liata ama taopa hawhta, Alei liata taopa châ mawh sy.

ZAWHÂNA 11:25

Zisu ta a hnohta, “Kei he thyuheihna nata hrona ei châ. Ahy rai nâ ngiapâpa cha, thi hra sala a hroh thlâh ha aw.

ZAWHÂNA 14:19

Bohpi leipa tawhta khizaw ta na hmô khao aw vei, châhrasala nâmo la eina hmô aw ei chi. Kei ei hrohpa vâta, nâmo chhao nama hroh aw.

ZAWHÂNA 5:23

Chatanachata chyhsa zydua ta Paw ama zapa hawhta, Sawchapawpa chhao ama za hra aw. Ahy rai Sawchapawpa a za leipa cha, ano tuahtuhpa Paw a za leipa a châ.

2 KAWRINI 13:14

Abeipa Zisu Krista ngiachhiena, Khazohpa kyhpachâna nata Thlahpa Pathaihpa akaona cha nama zydua hnohta y mawh sy.

PHILIPI 2:11

Paw Khazohpa rônah nawpa ta, paleih to ta Zisu Krista cha Abeipa a châ tahpa ama phuah aw.

1 THYSALAWNIKA 3:11

Eima Paw Khazohpa nata eima Beipa Zisu ta nâmo lâ eimâ vy thei nawpa lâpi miah taopa mawh sy.

2 TIMAWTHY 4:22

Abeipa cha na thlahpa hnohta y mawh sy. Ngiachhiena nama hnohta y mawh sy.

2 PITY 3:18

Eima Beipa nata Pachhatuhpa Zisu Krista ngiachhiena nata pahnona liata laiseih lymâ teh u. Tahmâ nata chhâzaw ta Abeipa hnohta rônahna y mawh sy. Amen.

1 ZAWHÂNA 1:2

Hrona cha a vaw luah ta, hmô pi ta, eima pahnokhei. Cha chhâzaw hrona, Paw hnohta a ypa cha eima hnohta a vaw luah ta, cha thâtih cha nama hnohta eima phuah.

ZUDÂH 1:25

eima Beipa Zisu Krista zawhzi ta miah Pachhatuhpa Khazohpa a y chhôhpa hnohna chata rônahna zy, abeina zy, ryureina zy, biehneina zy cha, daihti khô chiehpa zydua nata tahmâ nata tlyzaw ta y thlâh ha mawh sy. Amen.

BIEPHUAH 1:18

ahrohpa ei châ. Thi ha na ta, châhrasala moh tua, chhâzaw nata tlyzaw ta ahrohpa ei châ hih. Thina nata Athihkhih châhbizy ei hnei.