HLAZY 72:1 - Mara Bible RV (BSI)

¹ Hy Khazohpa, abei hnohta na ryureina dopa pie la, Abei sawchapawpa hnohta na siana pie mah y!

HLAZY 72:1 Cross References

2 SAMUELA 23:3

Izarei Khazohpa ta reih ta, Izarei Lôpanô ta eina chho: Adona ta chyhsazy chô liata ryureihpa ta, Khazohpa china ta ryu a reihpa cha,

1 ABEIZY 1:39

Cha liata, theihthaipa Zadô ta poh o lâ saki sathaw ôh kei la ta, Sawlawmaw cha sathawthu ta. Chiahmie tô ei ta, zawpizy ta, “Bei Sawlawmaw hroh pareih mawh sy!” tah ei ta.

1 ABEIZY 3:9

Chavâta châ chakaotuhpa he, na phopi chô liata ryu ei rei thei nawpa ta sona na pie mah y. Chatanachata a chhiepa nata a phapa ei pahrua thei aw. He tlu ta a hluhpa na phopi chô liana he ahy ma ryu a reih thei aw?” tah ta.

1 THÂTIHZYRONA 18:14

Chatanachata Dâvi cha Izarei saw zydua chô liata ryureih ta, a phopi zydua châta adona nata akhongâhna ta ryureih ta.

1 THÂTIHZYRONA 22:9

Pachâ teh, sawchapawpa sa aw chi ta, ano cha adyhna a khohpa a châ aw. A chheipâh râhzy liata a chariah zydua nata a dyryhpa ta paysa aw na ta, apahâna ei pie aw. A moh cha Sawlawmaw châ aw ta, ano daihti liata la, Izarei râh liata thlalôhna nata abohna ei paysa aw.

1 THÂTIHZYRONA 29:19

Ei sawchapawpa Sawlawmaw he, na biepiepazy, na ryhpa biezy nata na bieraopazy zyhpa ta, a zydua ta tao khai sala, o rônahpa cha a chhaichhi hmobaohzy ei chhuanoh hapa hawhta a sa thei nawpa ta, palôh phapakipa paphaosa mah y,” tah ta.

2 THÂTIHZYRONA 1:10

Chavâta he phopi hmiakô liata ei pua nawpa nata ei ngia nawpa châta a ngiahpa sona nata novâhna na pie mah y. Chataleipatala he tlu ta a hluhpa na phopi chô liana he ahy ma ryu a reih thei aw?” tah ta.

HLAZY 127:1

Abeipa ta o a sa vei khiahta la, A satuhpazy ama hriapasa thlâhthli. Abeipa ta khihpi a vaih vei khiahta la, A vaituhpa cha â hra thlâhthli.

ISAI 11:2

Abeipa Thlahpa cha a chô liata a choh aw ta, Cha Thlahpa cha sona nata novâhna Thlahpa châ ta, Ryhraona nata thatlôna Thlahpa chhao châ ta, Abeipa pahnona nata china Thlahpa a châ.

ZAWHÂNA 3:34

Khazohpa tuapa ta Khazohpa bie reih tyh ta, ano cha bitaipa y leipa ta Thlahpa a pietuhpa a châ.