HLAZY 71:15 - Mara Bible RV (BSI)

¹⁵ Ei pakah ta na siana bie chho aw ta, Na pachhana bie noh y ta a chho aw, A chhozie awpa ei pahno thai leipa chhao ta.

HLAZY 71:15 Cross References

1 THÂTIHZYRONA 16:23

Leilô zydua saih u, Abeipa lâ hla sa u la, A pachhana bie noh chareih chho teh u.

HLAZY 145:2

Noh to ta cha reithai aw na ta, Chhâzaw nata tlyzaw ta na moh ei reithai aw.

HLAZY 30:12

Ei hrona tlokhuh ta na reithaina hla sa aw na ta, A chalih aw va na; Hy Abeipa ei Khazohpa, Tlyzaw ta alyna bie ei cha hlâ aw.

HLAZY 35:28

Chatanachata ei paleih ta na siana bie chho aw ta, Noh y ta ei cha reithai aw.

HLAZY 40:12

Paraona rei tiah leipazy ta na chadô ei ta, Ei moleinazy ta eina pha ha ei, Avâ chhao ua ngâh khao va na; Ei luh liata sâ hlâta hluh via ei ta, Ei palôh tha a panao khai haw.

HLAZY 40:5

Hy Abeipa, ei Khazohpa, Na hmotao noâhpazy he thata châ ta, Miah na pachânazy he thata a châ kaw dia! Nâma nata pakho tlâh y tlâ veih ei. Chazy cha phuahpa ta ei chhopa chhao ta, Chho khai tiah awpa châ vei.

HLAZY 40:6

Atheihna nata hmohlâpa liata a ly leipa chi ta, Ei nah na pahypa chi ta; Raopa hlâna a hnaw leipa chi ta, Moleina hlâna chhao a hnaw va chi.

HLAZY 51:16

Atheihna liata a ly leipa chi ta, A lypa châ la, ei cha hlâ ha awpa tlai; Raopa hlâna ta na palôh patlâh hra aw vei.

HLAZY 71:24

Ei paleih he noh y ta na siana bie reih aw ta, Pasasa nâ chhuahpazy cha, Maophyuhpa nata hnabeidypa ta ama y.

HLAZY 71:8

Ei pakah he nâma reithaina ta bie ta, Nâma palyupalihna ta noh y ta a bie.

HLAZY 73:28

Kei châta deikua cha, Khazohpa a hniapa he a pha na; Abeipa Zehôvâh cha ei chhaina ta hmâh na ta, Na raihria kyh zydua ei chho lymâ aw.

HLAZY 89:16

Na moh vâta noh y ta thaphapa ta y ei ta, Na siana vâta cheihchalopa ta ama y.

BIESOZY 5:2

Chatanachata novâhna hnei aw chi ta, Na hmaozy ta pahnona â vao aw.

RYUREITUHPAZY 5:11

Libaw katuhpazy pyu hlâta paro viapa ta, Ti yna suzy liata Abeipa hmotao siapa cha phuah aw ei ta, Izarei liata a khihsawzy hmotao siapa kyh ama phuah aw. Chatanachata Abeipa phopi cha, Khihpi thokhy chhikaozy lâ amâ pahri aw.