HLAZY 7:6 - Mara Bible RV (BSI)

⁶ Hy Abeipa, na hiehâhpa ta thyu la, Ei chariahpazy ruchhôna thyuhnao mah y; Keima châta a hra la, Adona bie pathlu mah y.

HLAZY 7:6 Cross References

2 SAMUELA 17:14

Absalaw nata Izarei chyhsa zydua ta, “Arakhi chyhsa Husai ryhraopa he Ahitôphe ryhraopa hlâta a pha via na,” tah ei ta. Absalaw chô liata Abeipa ta chhiena a patlôsa thei nawpa ta, Ahitôphe ryhraona phapa cha pahnie awpa ta Abeipa ta a vaw pachhuahpanoh hapa a châ.

HLAZY 103:6

Abeipa cha siana ta rai hria ta, Tlybaipa zydua châta adona ta a hriapa ei.

HLAZY 12:5

“Dyhchhiepazy hraopa châ ei ta, Phahlapazy amâ hrôpa vâta, Tahmâ thyu aw na ta, Âmo a teituhpazy tawhta ei pabohsa aw ei,” Abeipa ta a tah.

HLAZY 138:7

Nôpona hry liata ei chareipa chhao ta, Ei hrona pahlôh chi ta; Ei chariahpazy hiehâhna lâ na ku pazawhpa ta, Na ku chachâh lâta eina pachha tyh chi.

HLAZY 143:3

Chariahpa ta ei thlahpa a chadai ta, Ei hrona he alei liata taichheih ta; Ama thi tawhta bohpi a châ hapazy hawhta, Zohna liata eina pahrâsa haw.

HLAZY 3:7

Hy Abeipa, thyu la, Hy Khazohpa, na pachha mah y. Ei chariahpa zydua ama baih liata chabaih chi ta, Hmoparaopazy hâh na thlo tyh.

HLAZY 35:1

Hy Abeipa, nâ chakhiatuhpazy chakhia la, Nâ dyuhtuhpazy a dyuh mah y!

HLAZY 35:23

Ei Khazohpa nata ei Beipa, Ei bie a duakhei ta thai na pachâsa awpa ta, A hra la, thyu mah y!

HLAZY 44:23

Hy Abeipa, a hra mah y, Khazia nâ mo thlâh haw? Thyu la, Tlyzaw ta miah dytha khah y!

HLAZY 44:26

Thyu la, miah bao awpa ta a vy mah y! Na kyhpachâna tleih beih leipa vâta miah chatlai mah y!

HLAZY 59:5

Hy Zehôvâh Khazohpa Atotaotheipa, Nâ cha Izarei Khazohpa châ chi ta, Râhzy hrie awpa ta thyu la, Moleina rarôh ypa taotuhpazy cha, Ahy hmah pahlôh khah y. Selah

HLAZY 73:20

Chyhsa a kaw hra ta, A mâsapa khâpasaw ta a rei leipa hawhta; Hy Abeipa, nâ hra tita, Âmo cha nothlahpa hawhta hmô aw chi ta, Khâpasaw ta reih aw va chi.

HLAZY 74:3

Chhâzaw ta a rao hapa su lâ he na phei vaw pahei tua, Chariahpa ta su pathaihpa liata hmo to a parao khai haw.

HLAZY 78:65

Abeipa cha â môpa tawhta a kaw hra ta, Chyhsa thatlôpa ta kresawhti vâta a awhpa hawhta awh ta.

ISAI 3:13

Abeipa cha a ryureina dyuchhai liata a tyuh ta, Phopizy pachia awpa ta â vaw duah.

ISAI 33:10

Abeipa ta hetana heta a tah: “Tahmâ cha thyu aw na ta, Tahmâ cha keimasasyh a chalo aw na ta, Tahmâ cha cheihchalopa ta ei y ha aw.

ISAI 37:20

Chavâta Hy Abeipa eima Khazohpa y, nâma deita he Abeipa cha na châ tahpa alei chô liata khinarâh zydua ta ama pahno thei nawpa ta, ngiachhiepa ta Senâkeri ku tawhtapa he miah pachha tlai mah y,” tah ta.

ISAI 51:9

Hy Abeipa bâh y, a hra la, a hra la, Thatlôna ta a tobi mah y. Chhâ a khô hapazy liata nâ hrapa hawhna khata a hra la, Hlâno daihti liata nâ hrapa hawhna khata a hra heih mah y. Rahâbi a chhawh pachhô khai hapa kha, Nâma châ chi ta; Drâkao a chô pahlietuhpa chhao kha, Nâma ma na châ vei?