HLAZY 69:4 - Mara Bible RV (BSI)

⁴ A chhâpa y leipa ta nâ haotuhpazy cha, Ei luh liata ei sâzy hlâta hluh via ei ta, Parao awpa ta haipa ta nâ teituhpazy chhao, Ama thatlô ngaita. Khâpa hmo ma ei paru tly, Tahmâ ei thô heih awpa cha?

HLAZY 69:4 Cross References

HLAZY 35:19

A chhâpa y leipa ta nâ khakhaipazy cha, Ei chô liata hmo a tlôpa vâta amâ ly awpa pasaih leipa la; A chhâpa y leipa ta nâ haotuhpazy chhao, Eina mopasih awpa ei pasaih khah y.

HLAZY 40:12

Paraona rei tiah leipazy ta na chadô ei ta, Ei moleinazy ta eina pha ha ei, Avâ chhao ua ngâh khao va na; Ei luh liata sâ hlâta hluh via ei ta, Ei palôh tha a panao khai haw.

HLAZY 59:3

Hy Abeipa, moh tua, Ei hrona a byh ei ta, Thatlôpazy ta eina tei ei. Ei paraona vâta châ leipa ta, Ei moleina vâta châ hra vei.

HLAZY 6:7

Ei mo he pachârôhna vâta rao khai ha ta, Nâ dyuhtuhpazy vâta a zoh via rili.

ZAWHÂNA 15:25

Ama ryhpa châbu liata, ‘A chhâpa y leipa ta einâ hao ei,’ tahpa bie ropa kha a vaw tlô nawpa ta a châ.

2 KAWRINI 5:21

Krista zawhzi ta Khazohpa siana eimâ hly thei nawpa ta, moleina rai a hnei leipa cha, Khazohpa ta keimo vâta moleipa ta a tao.

1 PITY 2:22

Ano cha hmo a parao beih leipa, a pakah liata haidihaiduana a y leipa a châ.

1 PITY 2:24

Moleina thisaipa ta siana lâta eima hroh thei nawpa ta, eima moleinazy cha ano ta a pôhpa tlai ta tho liata phaoh ta, Krista hmahzy ta patlâhpa ta nama y haw.

1 PITY 3:18

Khazohpa lâ miah â chhi thei nawpa ta, Krista cha moleinazy châta chhâzaw châta ei kha thi ta, mosiapa cha moleipa vyuhpa ta thi ta, sapa liata thiepa ta y ta, thlahpa liata deikua pahropa ta a y.