HLAZY 69:3 - Mara Bible RV (BSI)

³ Ei awna ta ei thachhâ ta, Ei rao chhao hi khai ha ta, Ei Khazohpa ei hâna ta ei mo a zoh khai haw.

HLAZY 69:3 Cross References

ZAWBÂ 11:20

Moleipazy mo deikua cha zoh aw ta, Amâ râ nawpa lâpi zydua lei khai aw ta, Ama kho chaipa cha, Ama hu chhâ awpa a châ aw,” tah ta.

ZAWBÂ 16:16

Ei chana ta ei hmia saih khai ha ta, Ei mo vo liata thina nohpahli a y,

HLAZY 119:123

Na pachhana mokhâhpa ta ei mo bâ ha ta, Na bietai siapa mokhâhpa ta ei mo a bâ khai haw.

HLAZY 119:82

Na bietai mokhâhpa ta ei mo bâ ta, “Khati ta ma thlah eina palôh aw chi?” ei tah tyh.

HLAZY 22:15

Ei thatlôna beihkao hawhta hi karâpa ta, Ei paleih ei dâh lâta a bai ta, Thina dohlei liata eina soh chi.

HLAZY 22:2

Hy ei Khazohpa, nohchhô ta awh na ta, Châhrasala nâ chhy va chi; Zâ ta chhao awh na ta, Apahâna hmô va na.

HLAZY 25:21

Nâma châ hâpa ei châpa vâta, Adona nata ngâchhihna ta na pabohsa mawh sy.

HLAZY 39:7

“Hy Abeipa, tahmâ he khâpa ma ei hâ chy tly? Ei hnabeiseihna cha nâ liata y tlôh ta.

HLAZY 40:3

Hla thiehpa ei pakah liata soh ta, Eima Khazohpa reithaina hla cha; Chyhsa hluhpi ta hmôpa ta chi aw ei ta, Abeipa liata ngâna ama pahnieh aw.

HLAZY 6:6

Ei hrôna ta ei thachhâ ta, Zâ chareih ei rakhô liata mothlih tipaua tlô ta, Ei khôpheih chana mothlih ta ei padâ khai ha tyh.

HLAZY 69:21

Pati vyuhpa ta châmaih na pie ei ta, Ei dâhphi nota kresawhti thaopa eina padosa ei.

HLAZY 88:7

Na pathiiana ta thata na vi ta, Na tichatlaopa ta eina vao. Selah

ISAI 38:14

Siviah nata vawpô zy hawhta sâh na ta, Vachhuh hawhta ei rôh. Chô lâ saipa ta ei mozy a bâ khai haw. Hy Abeipa, tlybaipa ta ei y hih, Ei bohna châta sôhkâ na châpa mah y!

CHAPHÔHTUNA 2:11

Ei chana ta ei mo zoh ha ta, Ei pavyhpi thata â tlao; Ei phopi sawchanô leidiana vâta, Ei hmôkhaw alei liata a sa ta; Hawsaih nata sâhpi a ngiehpazy khiliah liata panaona vâta, Ei hmôkhaw alei liata â sa.

ZAWHÂNA 19:28

Cha khai tawhta, Zisu cha hmo to a tlô paki khai hapa pahno ta, Biehrai paki nawpa ta, “Ei dâh a phi,” tah ta.

RYHPACHANEINA 28:32

Nama sawchapawzy nata nama sawchanôzy chihropa hnohta piepa châ aw ei ta, âmo vâpa ta noh chareih nama mo bâna taihta sai aw ei chi ta, tao theipa khâpa hmah hnei aw veih ei chi.

HEBRAI 5:7

Sapa pôhpa ta a hro chhôh ta, Zisu cha thina tawhta a pachha theituhpa lâ ao paro ngaitapa ta mothlih chhaota awh ta, thlahchhânazy nata hianazy hlâ ta, Khazohpa a chizana vâta a thlahchhâna cha nathliepa a châ.