HLAZY 69:28 - Mara Bible RV (BSI)

²⁸ Ahrohpazy châbu tawhta ama moh phiepa châ sala, Mosiapazy hry liata ama moh roh khah y.

HLAZY 69:28 Cross References

ISAI 4:3

Zaio liata siesaipa nata Zerusale liata a nguapa, Zerusale liata a hrohpa moh ropazy cha pathaihpa tahpa ama châ aw.

ISAI 65:16

Kha hlâta nôponazy kha mypa châ ha ta, Ei mo tawhta nyupa a châ hapa vâta, Alei liata anosasyh ta byhnâ â awpa cha, Biehmeiseihpa Khazohpa ta byhnâ pie aw ta, Alei liata bietai a taopa cha, Biehmeiseihpa Khazohpa liata bietai a taopa a châ aw.”

EZEKIA 13:9

Aluahna phichhyhpa a hmôpa nata haipa ta a pachaopadâhpa hrohsopazy chô liata ei ku ei hy aw. Ei phopi pakhypi liata a hlao leipa aw ei ta, Izarei pathlazy moh rona liata ropa châ hra leipa aw ei ta, Izarei râh a ngia aw veih ei. Chatanachata Abeipa Zehôvâh ei châ tahpa nama pahno aw.

HÔSIA 1:9

Abeipa ta a hnohta, “A moh ta Lôami bi teh. Ei phopi châ khao leipa ei chi ta, nama Khazohpa chhao châ khao va na” tah ta.

LUKA 10:20

Châhrasala thlahpazy nama rei sai ta ama ypa vâta a ly leipa u la, vârâh liata nama moh ropa a châpa vâta tlao a ly teh u,” tah ta.

PHILIPI 4:3

A châ na, raopaky ei kylâhpa chhao chi kha ei châ haw hra. Kha chanôzy kha vaw bao mah y. Âmo kha Klemena nata ei hrialâhpa hropa zydua chhaota thâtihpha vâta ei hriapasana liata nâ hrialâhpazy châ ei ta, hrona châbu liata ama moh a ypazy ama châ.

HEBRAI 12:23

Vârâh liata moh ropa sawchapaw uhtheipazy yna Awnanopa lâ a vy ei chi ta, mo to pachiatuhpa Khazohpa nata phapakipa ta taopa mosiapa sahlao thlahpazy lâ namâ vy.

BIEPHUAH 13:8

Alei chô liata a pahrâpa zydua, khizaw â thao tua no tawhta thie chiehpa Mietakutaw hrona châbu liata moh ro leipa maihta ano cha amâ chhy aw.

BIEPHUAH 22:19

Ahy rai ta he hrohsona châbu liata biezy he a thy bâ khiahta cha, he châbu liata palâsapa hrona tho nata khihpi pathaihpa liata a tovyuh cha Khazohpa ta a lapa aw.

BIEPHUAH 3:5

Pahnietuhpa cha, cha hawhta poh diehpa pabusapa châ aw ta, hrona châbu tawhta a moh phie beih leipa aw na ta, ei Paw hmiakô liata nata a vâlyuhchâpazy hmiakô liata a moh ei châhkhei aw.