HLAZY 69:27 - Mara Bible RV (BSI)

²⁷ Ama chô liata hriena baichha lymâ la, Âmo cha na siana liata pangiasa khah y.

HLAZY 69:27 Cross References

NEHEMIAH 4:5

O satuhpazy hmia liata na hie ama cha pahâh haw. Chavâta ama thaileichâna khu leipa la, ama moleinazy na mohmô tawhta pahlei khah y,” tah na ta.

ZAWBÂ 19:22

Khazia Khazohpa ta eina chadaipa hawhta, Nâmo taihta eina chadai hra ei chi? Khazia ei sapa pasa taona he â daih nama tah vei tly?

HLAZY 109:14

A pathlatuhpazy moleina Abeipa hmiakô liata a thei thlâhpa ta y sala, A nô moleina mypa châ khah se!

HLAZY 24:5

Cha chyhsa cha Abeipa tawhta byhnâ to aw ta, A pachhana Khazohpa tawhta siana a hmô aw.

HLAZY 81:12

Chavâta ama palôh kuhchha awpa ta pasaih na ta, Âmo ryhraona liata sie awpa ei pasai ha ei.

PUASAINA 8:15

Châhrasala Phiraoh ta huhiehna a vaw ypa a hmô nahta, a palôh kuh a pachha ta, Abeipa ta a rei hapa hawhta, ama bie nathlie khoh heih vei.

PUASAINA 8:32

Châhrasala cha daihti liana chhao chata, Phiraoh cha a palôh kuh pachhasa heih ta, Izarei phopi ama sie awpa pasaih pyly vei.

PUASAINA 9:12

Châhrasala Abeipa ta Phiraoh palôh kuh pachhasa ta, Abeipa ta Mawsi hnohta a rei hapa hawhta, ama bie nathlie khoh vei.

ISAI 26:10

Moleipa cha khokheipa a châ khiahta cha, Siana a chu beih aw vei; Adona râh liata avyuhna tao pyly aw ta, Abeipa rônahna hmô hlei aw vei.

ISAI 5:6

Sadô rypa ta tao aw na ta, A chiahzy taipa châ khao leipa aw ta, A lyu thlyupa châ khao hra leipa aw ta, Diahsai nata ahlohzy tlao a pyu awh. Sadô chô liata avâ suah lei awpa ta, Meihdozy chhao bie ei pie ha aw ei.

ISAI 53:4

Chatanachôta eima pachâchhienazy phaoh ta, Eima pachârôhnazy a phaohtuhpa a châ. Keimo deikua ta cha, Khazohpa ta a hriepa hawhta pachâ pi ta; Khazohpa ta tu ta, Pasa a pataosapa hawhta eima pachâ.

THEIHTHAINA 26:39

Nama hry liata laibâhpazy chhao, ama paraona vâta nama chariahpazy râh liata ama leidia aw. Âmo paraona vâ dei châ vei, ama pathlatuhpazy paraona vâta ama pathlatuhpazy hawhta ama leidia aw.

MATHAI 21:19

Lâpi kiah liata theiku kô hmô ta, kei pangai ta, a hna dei leipa ta cha khâpa hmah hmô leipa ta. Theiku kô hnohta, “Chhâzaw ta pathei khao khah y,” tah ta. Theiku kô cha thlai uah pâ ha ta.

RAWMA 1:28

Khazohpa pahnopa cha hmo phahnai leipa hawhta ama pachâpa vâta, palôh doleipa phaoh ta, tao lei awpazy tao awpa ta Khazohpa ta âmo cha â heihsai ha ei.

RAWMA 9:18

Chatanachata Khazohpa ta a khopa maih ngiachhie tyh ta, a khopa maih chhorupa ta a tao tyh.

RAWMA 9:31

siana ryhpa a chadaituhpa Izarei ta siana to thei vei.

2 TIMAWTHY 4:14

Dawh leih thaipa Alezandâ kha thata nâ pasasapa a châ. Abeipa ta a hmotaopazy lymâ hawhta viari a thô aw.