HLAZY 69:18 - Mara Bible RV (BSI)

¹⁸ Nâ vaw hniapa ta ei thlahpa chatlai la, Ei chariahpazy vâta na pachha mah y!

HLAZY 69:18 Cross References

ZAWBÂ 6:23

‘Khakhaipa ku tawhta na pachha teh u,’ ei cha tah rai ei ma? ‘Nôchhiepa ku tawhta na chatlai teh u,’ ei cha tah hra ei ma?

HLAZY 10:1

Hy Abeipa, khazia lâhlapi liata a duah chi ta, Nôpona noh liata nâ nyu tly?

HLAZY 111:9

A phopi hnohta chatlaina vaw tuah ta, Tlyzaw châta a biehrai a pie. A moh cha Pathaihpa nata Zachhihpa a châ.

HLAZY 143:7

Hy Abeipa, thlai na chyhei mah y! Ei thlahpa a panao ha hih! Na hmia na nyusai khah y, Chataleipatala khaohtlô lâ a zupazy hawhta ei y pathlei aw na.

HLAZY 22:1

Ei Khazohpa, ei Khazohpa, khazia eina pathlua chi? Khazia na pachha leipa ta nâ hla chi ta, Ei hrôna biezy thei leipa ta einâ hla chi tly?

HLAZY 22:12

Viahchao tôhpa hluhpi ta na chadô ei ta, Bâsanâ viahchao tôhpa thatlôpazy ta eina dôh ei.

HLAZY 22:19

Hy Abeipa, nâ deikua cha a hla leipa la, Hy nâ baotuhpa y, na bao awpa ta a vy para mah y!

HLAZY 22:20

Ei hrona he zaozi tawhta pachha la, Ei hrona sôhpa he i hmotaotheina tawhta pabohsa mah y!

HLAZY 27:9

Hy nâ bao tyhtuhpa y, Keima tawhta na hmia nyu leipa la, Châ chakaotuhpa he hiehâhpa ta na pakuasa khah y. Hy ei pachhana Khazohpa y, Na thy leipa la, na siesai khah y!

HLAZY 31:5

Na ku liata ei thlahpa cha pavaosa na ta, Hy Abeipa, Khazoh ngâchhihpa y, Nâ ta eina chatlai ha chi.

HLAZY 49:15

Kei deikua cha ei hrona he, Khazohpa ta Athihkhih hmotaotheina tawhta chatlai aw ta, Ano ta eina vaw dy aw. Selah

ZEREMIAH 14:8

Hy Izarei hnabeiseihpa, Nôpo nota ano pachhatuhpa y, Khazia râh liana heta chihropa hawhta y aw chi ta, Zâ kha rie ta a chapiapa khichhaipa hawhta na y aw?

CHAPHÔHTUNA 3:57

Ei cha aw tita nâ vaw hnia chi ta, ‘Chi khah y!’ eina tah chi.

RYHPACHANEINA 32:27

Ama chariahpazy ta pahno chhei ei sala hmahta, Âmo cha pasipasawhpa ta, ‘He zydua he Abeipa taopa châ vei, Keimo ku ta eima pahniepa a châ,’ Ama tah pathlei awpa ei chipa vâta a châ.

ZAWSUA 7:9

Cha thâtih cha Kâna mo nata a râh liata a pahrâpa zydua ta thei aw ei ta, miah dôh aw ei ta, alei chô tawhta eima moh ama pahlei ha aw he zaw! Chata a châ khiahta cha, na moh rônahpa pabohsa awpa ta kheihta ma na tao khao aw?” tah ta.