HLAZY 68:3 - Mara Bible RV (BSI)

³ Mosiapazy deikua cha thaphapa ta, Khazohpa hmiakô liata palôhtlâhpa ta y aw ei ta, A ly ngaitapa ta ama rahao aw.

HLAZY 68:3 Cross References

HLAZY 21:1

Hy Abeipa, abei cha na thatlôna liata a ly ta, Na pachhana liata a thapha kaw dia!

HLAZY 32:11

Hy mosiapazy saih u, Abeipa liata a lypa nata thaphapa ta y u la, Hy nâmo, palôh dopazy saih u, Thaphapa ta rahao teh u!

HLAZY 37:20

Moleipazy deikua cha leidia aw ei ta, Abeipa chariahpazy chhao sibiepa hawh dei ama châ aw; Leidia aw ei ta, Meikhuh hawhta ama pai aw.

HLAZY 43:4

Chatanachata Khazohpa maisâh lâ pangai aw na ta, Ei lyna chaipa Khazohpa lâ ei pangai aw. Hy Khazohpa, keima Khazohpa y, Totâ ta ei cha reithai aw.

HLAZY 58:10

A phuh lapa a châpa a hmô tita, Mosiapa cha a ly aw ta; Moleipazy thisaih liata a phei â si aw.

HLAZY 64:10

Mosiapazy cha Abeipa liata a ly ei sala, Ano cha a chhai mawh ei sy! Palôh dopa zydua ta ano cha reithai mawh ei sy!

HLAZY 75:4

A khotlâhpazy hnohta, ‘A khotlâh khah u,’ tah na ta, Hmoparaopazy hnohta, ‘Nama kizy chaluah khah u,’ ei tah.

HLAZY 97:12

Hy mosiapazy saih u, Abeipa liata a ly u la, A moh pathaihpa reithai teh u.

RYHPACHANEINA 12:12

Chatanachata nâmo nata nama sawchapawzy, nama sawchanôzy, nama seichapawzy, nama seichanôzy nata nama hry liata tovyuh nata ryuto râh a hnei leipa Livai chi nama khih liata a ypazy chhao, Abeipa nama Khazohpa hmiakô liata thaphapa ta nama y aw.

1 THYSALAWNIKA 5:16

Khâ a ly u la,

1 PITY 1:8

Krista cha nama hmô leipa chhao ta a kyh pachâ ei chi ta, tahmâ hmô hra vei u la, a ngiapâ ei chi ta, pakah ta rei khai thei leipa alyna nata rônahna ta biepa ta,

BIEPHUAH 18:20

“Hy avâ, ano vâta a ly la, Nâmo, mopathaihpazy, Nâmo, lyuhchâpazy, Nâmo, hrohsopazy, Ano vâta a ly teh u; Khazohpa ta a chô liata Viari a cha thôpa ha ei hih.”

BIEPHUAH 19:7

Alypa nata thaphapa ta y sih la, Ano palyupalih suh u; Mietakutaw myuh hneina vaw tlô ha ta, A myuh chhao â mâ haw.