HLAZY 68:27 - Mara Bible RV (BSI)

²⁷ Hawti chaipa Benzami ta âmo cha chhihtha ta, Zudâh chhituhpa hluhpi y ei ta, Zebulawna nata Nâthalai chhituhpazy amâ hlao hra.

HLAZY 68:27 Cross References

ÂTHAONA 42:32

Unawh pahrawh hleino châ pi ta, eima paw sawchapawzy eima châ khai. Pakha deikua cha y khao vei, eima seihnai chaipa cha tahmâ Kâna râh liata eima paw hnohta a y,’ tah pi ta.

2 SAMUELA 3:19

Abane ta Benzami mo chhao chho hra ta. Chatanachata Izarei ta pha ama tahpa zydua nata Benzami chhôhkha zydua ta pha ama tahpazy cha Dâvi chho awpa ta, Abane cha Hebraw lâ sie ta.

1 THÂTIHZYRONA 12:16

Benzami nata Zudâh chizy hry tawhta chyhsa thokha ta thokhy liata Dâvi lâ vawh ei ta.

1 THÂTIHZYRONA 12:29

Benzami pathla, Sawla heinawhpa, Sawla pathla chhâh a vaw châ tyhpazy tawhta 3,000;

1 THÂTIHZYRONA 15:3

Dâvi ta Abeipa Byh cha kei la ta, a so nawpa su â chhuanohpa liata so awpa ta, Zerusale liata Izarei saw zydua cha awpakhy ta.

1 THÂTIHZYRONA 27:12

Thla chakina châta pheisaih hyutuhpa pachakina cha, Benzami pathla Anathô chyhsa Abieze châ ta, a py liata pheisaih 24,000 ama y.

HLAZY 26:12

Ei phei he su bypa liata a duah ta, Pakhypi rônahpa liata Abeipa cha ei reithai aw.

HLAZY 47:9

Phopizy tawhta beizy a hmaoh ei ta, Abarahâ Khazohpa phopi chhao amâ hmaoh. Khizaw vyhphaozy he Khazohpa eih châ ta, Ano cha thata cheihchalopa a châ.

HLAZY 60:7

Kilia cha kei eih châ ta, Manase chhao kei eih a châ; Epharai cha ei lakhu châ ta, Zudâh cha ei ryureina chôchahrei a châ.

ISAI 11:13

Epharai hiatliana lei aw ta, Zudâh a patypamâtuhpazy Chhawh pathlahpa ama châ aw. Epharai ta Zudâh chô liata a hiatlia khao leipa aw ta, Zudâh ta Epharai patypamâ khao aw vei.

ISAI 48:1

Hy Izarei moh bipa Zakaw pathlazy, Zudâh tizy tawhta vaw pua ei chi ta, Ngâchhihna nata adona ta châ tlôh leipa ta, Abeipa moh ta bie a taihpa ta, Izarei Khazohpa a padotuhpazy saih u, He bie he thei u la;

MALUHREINA 34:21

Benzami chi tawhta Kislaw sawchapaw Eliadâ;

RYUREITUHPAZY 20:35

Abeipa ta Benzami cha Izarei hmiakô liata pahnie ha ta, cha noh liata, Izarei sawzy ta Benzami pheisaih 25,100 ama pahleipadia haw. Ama zydua ta zaozi a chabapa sai ama châ.

RYUREITUHPAZY 5:18

Zebulawna cha thina taihta a hrona a sokhâhpa phopi châ ta, Nâthalai chhao adyuhna su sâhpazy liata thina taihta â dyuh hra.

1 SAMUELA 9:21

Sawla ta a chhy ta, “Kei he Izarei chi hry liata chi chyh chaipa Benzami chi châ va na mâ? Ei pho chhao Benzami chi pho zydua hry liata pho chyh chaipa châ vei mâ? Kheihtazieta he hawhta ei hnohta a reihpa ma na châ tly?” tah ta.