HLAZY 68:2 - Mara Bible RV (BSI)

² Meikhuh phaoh pathlahpa ta a ypa hawhta, Âmo cha papua aw chi ta; Mei liata kheilôh a zaopa hawhta, Moleipazy cha Khazohpa hmia­kô liata ama leidia aw.

HLAZY 68:2 Cross References

2 SAMUELA 10:13

Zôabâ nata a pheisaihzy cha Aramia mo a dyuh awpa ta a kei hnia ei ta, Aramia mo cha Zôabâ hmiakô liata a râpai ha ei ta.

2 SAMUELA 10:18

Aramia mo cha Izarei sawzy hmiakô liata a râpai ha ei ta, Dâvi ta talailih a haohpa Aramia pheisaih 700 nata arâ pheisaih 40,000 thie ta, ama pheisaih hyutuhpa Sôbâ chhao chhawh ta, cha liata thi ha ta.

HLAZY 22:14

Ti hawhta leithapa ta y na ta, Ei ruzy â suhlie khai haw; Ei palôh kheilôh hawh châ ta, Ei chachôhna liata a ti khai haw.

HLAZY 37:20

Moleipazy deikua cha leidia aw ei ta, Abeipa chariahpazy chhao sibiepa hawh dei ama châ aw; Leidia aw ei ta, Meikhuh hawhta ama pai aw.

HLAZY 76:7

Nâ, nâma tlai cha chi awpa châ chi ta, Na pathi a ia ha khiahta cha, Ahy ma na hmiakô liata a duah thei aw?

HLAZY 80:16

Na kre zôh mei ta raopa ta thlu ei ta, Na rana vâta na phopi a leidia ha hih.

HLAZY 97:5

Tlâhpizy kheilôh hawhta Zehôvâh hmiakô liata zao ei ta, Leilô zydua Abeipa hmia liata ama zao khai.

ISAI 33:3

Tyhreihna pyu vâta phopizy a râ ei ta, Hy Abeipa, na thyu tita râhzy ama pai lymâ.

ISAI 64:2

Mei ta thopahrei kâ ta, Mei ta ti a patlaosapa hawhta, Na khakhaipazy ta na moh pahno ei sala, Phopizy na hmiakô liata amâ chalyu mawh sala eima tah kaw dia!

ISAI 9:18

Paraona cha mei hawhta kâ ta, Diahsai nata ahlohzy cha ama tlôna taihta a kâ aw. Râhmâhpa chha kaluhpazy kâ aw ta, Meikhuh tôh a charihpa ta avâ lâ a kiah aw.

ZEREMIAH 46:15

Kheihtazieta ma na pasaiphazy ama pao thlâh ha tly? Abeipa ta a taikhy hapa vâ ei ta, Amâ duah thei khao leipa a châ.

HÔSIA 13:3

Chavâta mydi ameih hawhta châ aw ei ta, My diati thlai ta a paipa hawhta ama châ aw. Sawhri tawhta sâh sihpa zie pathlahpa hawhta châ aw ei ta, Opy tawhta meikhuh a puapa hawhta ama châ aw.

MIKÂ 1:4

Mei liata kheihlôh a zaopa hawhta, Pâdawhpa liata ti a chakhaopa hawhta, Tlâhpizy cha ano ry liata zao aw ei ta, Saikaozy ama kaichheih aw.

MALUHREINA 10:35

Byh a puana maihta Mawsi ta, “Hy Abeipa, vaw thyu mah y; Na chariahpazy papaipa ta y ei sala, Châ haotuhpazy na hmiakô tawhta a râpai mawh ei sy,” tah ta.