HLAZY 67:4 - Mara Bible RV (BSI)

⁴ Râhzy ama thapha sala, Alyna hla sa mawh ei sy; Nâ cha phopizy â khongâhpa ta pachia chi ta, Khizaw râhzy a chhihthatuhpa na châ. Selah

HLAZY 67:4 Cross References

ÂTHAONA 18:25

Moleipazy hnohta mosiapazy thie ta, mosiapa nata moleipazy palyu thlâh ha awpa cha, tao aw va chi. Cha hawhpa ngâsâ cha tao aw va chi. Alei chô zydua ryureituhpa ta cha, hmo dopa a tao awpa châ vei ma?” tah ta.

HLAZY 2:8

Na hiah la, phopizy he na ryuto châta cha pie aw na ta, Khizaw kaokih zydua na ryuto ta ei cha pie aw.

HLAZY 82:6

“Khazohzy hawhta cha vaw pachâ ei na ta, Nama zydua ta Chônôchaipa sawzy hawhta ei cha pachâ ei.

HLAZY 9:8

Siana ta khizaw chô liata ryureih ta, Adona ta phopizy a pachia ei.

HLAZY 96:10

Râhzy liata, “Abeipa ta ryu a reih! Khizaw he â ipa ta paduapa châ ta, A chalyu beih aw vei; Â khopa ta phopizy a pachia aw,” tah teh u.

HLAZY 98:9

Abeipa hmiakô liata hla sa mawh ei sy. Abeipa cha khizaw pachia awpa ta â vy. Siana ta khizaw pachia aw ta, Â khopa ta phopizy a pachia aw.

ISAI 54:1

“Hy chanô chohpa, Nâ, saw a sa beih leipa y, Hla sa la; Nâ, nawh a zeih beih lei nô y, Hla sapa ta awh teh! Vahpa chhaopa chanô sawzy hlâta, Chanô kypa sawzy ama hluh via bâ aw,” Abeipa ta a tah.

ISAI 55:4

Ano cha phopizy châta pahnokheituhpa ta rao na ta, Phopizy chhituhpa nata hyutuhpa ta ei rao.

ISAI 60:6

Râraoseihpa hluh ngaitapazy ta Cha pahly aw ei ta; Midia nata Epha liata râraoseihpa lochopazy ta Ama cha pahly aw; Sebâ râraoseihpa zydua vaw tlô khai aw ei ta, Ngôh nata deiryh zy vaw phaopa ta, Abeipa reithaina thâtihpha ama vaw tlôkhei aw.

HMOTAOPAZY 17:31

Ano ta â tlyhpa hmâpa ta, siana ta khizaw a pachia nawpa noh a rao haw. Â tlyhpa chyhsa cha athihpa hry tawhta a pathyuna liata, pachiana a y tlai awpa a châzie chyhsa zydua hnohta a pa-i haw,” tah ta.

RAWMA 2:5

Na palôh kuhchhana nata ro khoh leina vâta, hiehâhna noh, Khazohpa pachiana siapa â vaw luahna noh châta, nâmasasyh ta hiehâhna nâ pachôpakhy.

KALATIA 4:27

“Nâ, saw leipa, Saw a sa beih leipa y, Thaphapa ta y mah y; Nâ, saw a zeih beih leipa, Awh la, rahao mah y! Vahpa a hneipa sawzy hlâta, Yrupa chanô sawzy ama hluh via aw,” tahpa ta ropa hawhta.

RYHPACHANEINA 32:43

“Hy avâzy saih u, Abeipa phopi a lykhei u la; Hy khazohzy saih u, A hmia liata a bôh teh u; Ana cha a chakaotuhpazy thisaih phuhlatuhpa châ ta, A khakhaipazy chô liata viari a thôtuhpa a châ. Ano a haotuhpazy viarithô aw ta, A râh nata a phopi châta chatlaina a tao aw.”