HLAZY 65:8 - Mara Bible RV (BSI)

⁸ Chatanachata leilô chhânazy liata a pahrâpazy chhao ta, Ngiana hmonoâhpa na taopazy vâta chipa ta ama y. My khih vaw deih ta, My noh chhina nata zâlâ noh tlana râhzy cha, Thaphapa ta na paawhsa tyh ei.

HLAZY 65:8 Cross References

ÂTHAONA 8:22

“Alei y chhôh zydua cha, Tu daihti nata hria daihti zy, Chasipaw nata nopi zy, Sao nata chhiah zy, Chhô nata zâ zy, Lei aw vei,” tah ta.

ZAWBÂ 38:12

“Na hro nohzy liata my vaw chhi awpa ta biepiepa ta, Khihdei chhao a y nawpa su na pahmô beih ma?

HLAZY 107:29

Thlihpipa cha chalihsa ta, Tichatlaopazy sidiapa ta ama y.

HLAZY 126:2

Cha nota eima pakah cha pahneina ta biepa ta, Eima paleih thaphapa ta awh ta, Phopizy ta, “Abeipa ta hmo rônahpa a taopa ei,” ama tah.

HLAZY 135:9

Hy Izi, ngiana nata hmonoâhpazy na chhôh liata vaw tuah ta, Phiraoh nata a chakaotuhpa zydua chô liata a vaw tuahtuhpa kha Abeipa a châ.

HLAZY 136:8

Nohchhô ryureituhpa noh a taotuhpa hnohta alyna bie reih teh u, A kyhpachâna tlyzaw ta a daihpa a châ.

HLAZY 148:3

Noh nata thlâpâ saih u, Ano cha reithai u la; Awhsi khaihpa zydua saih u, Ano cha reithai teh u!

HLAZY 19:5

Noh cha a chhôhpadâhpa tawhta a vaw puapa myuhneituhpa lyu ta, Chyhsa thatlôpa ta arâpasuana liata a ly kawpa ta â râpa a lyu.

HLAZY 2:8

Na hiah la, phopizy he na ryuto châta cha pie aw na ta, Khizaw kaokih zydua na ryuto ta ei cha pie aw.

HLAZY 65:13

Sibiepa suzy cha sahroh zaw ta bie ta, Saikaozy sâh ta khu khaipa ta, Hmaohkha ta awh ei ta, Alyna hla ama sa khoh.

HLAZY 66:3

Khazohpa hnohta, “Na hmotaopazy noâh a chhih ta, Na hmotaotheina a rônah kaw dia! Chavâta na chariahpazy a bôhpa ta nâ lâ amâ vy.

HLAZY 74:16

Chhô he na eih châ ta, Zâ chhao na eih a châ; Avâ liata khaihpazy soh chi ta, Noh chhao khi nâma sopa a châ.

HLAZY 89:10

Rahâbi cha chyhsa thiepa hawhta taichheih chi ta, Na chariahpazy na bâh thatlôna ta na papai ha ei.

ISAI 17:13

Râhzy ta tisaih hawhta a aoh hra ei sala, Abeipa ta âmo cha ra aw ta, Lâhlapi lâ a râ aw ei ta, Tlâh liata saviah thlih ta a phaopa hawhta, Chadai paipa châ aw ei ta; Khisô ta dohlei a phaopa hawhta, Chadai paipa ama châ aw.

RYHPACHANEINA 4:19

Abeipa nama Khazohpa ta avâ ry liata chyhsa zydua châta a taopa noh, thlâpâ, awhsizy nata avâ liata a ypa zydua nama hmô tita, avâ lâ uapa ta, chazy chata nama palôh cha sy ei sala, namâ chhy pathlei lei nawpa ta a vaih teh u.

BIEPHUAH 11:13

Cha daihti lia tlai chata alo thata a vaw sih ta, khihpi su hrawh su kha cha cho ha ta. Alo sihpa liana chata chyhsa sâh sari thi ei ta, a laibâhpazy cha chi ngaita ei ta, vârâh Khazohpa cha palyupalih ei ta.