HLAZY 64:7 - Mara Bible RV (BSI)

⁷ Châhrasala Khazohpa ta âmo cha châtai ta ka ta, Eikhapi ta hmahphaopa ta ama y.

HLAZY 64:7 Cross References

1 ABEIZY 22:34

Châhrasala chyhsa pakha ta â chhuahpa vâta châ leipa ta, a libaw a kei ta a ka chakhyhna liata, Izarei bei cha a chariah chhaichhi nata a chachôhna vyhphao likawh liata kei ka ta. Izarei bei ta a talailih haohtuhpa hnohta, “A lie la, adyuhna tawhna heta na puakhei teh, hmah ei phaoh haw,” tah ta.

ZAWBÂ 6:4

Atotaotheipa châtaizy ei pôhpa liata y ta, Ei thlahpa ta ama châmaih doh ta, Khazohpa chichhihna ta eina siehnao.

HLAZY 18:14

A châtaizy kapa ta âmo cha papai ta, Dôhlazy chakeihsa ta â chadaipai ha ei.

HLAZY 64:4

Amâ byhna su tawhta chyhsa phapazy ka ei ta, Â pachyh vei nota eikhapi ta ama ka tyh.

HLAZY 73:19

Kheihtazie ta ma sôkha ta pahleipadiapa châ ei ta, Hmo chichhihpazy ta a phaoh pathlah thlâh ha ei tly!

BIESOZY 29:1

Khâ chhoreipa chhao ta a kuh a chhapa cha, Eikhapi ta thliepa châ aw ta, Tlâh thei khao aw vei.

BIESOZY 6:15

Chavâta chhiena ta eikhapi ta vaw tlô thlupa ta, Sôkha ta paraopa châ aw ta, Taopathi heih theipa châ khao aw vei.

BIECHHOTUHPA 9:3

Noh ry liata hmo taopa to liata hmo chhiepa a ypa cha he he a cha: chyhsa zydua ama tovyuh awpa â lyu khaipa hih. Chyhsa sawzy cha ama hro chhôh ta ama palôh liata moleina nata hruna ta bie ta, cha hnôhlâ ta athipazy yna lâ ama sie tyh.

ISAI 30:13

Cha moleina cha, Nama châta thokhy a sâhpa liata a pyupa hawhta châ aw ta, A kei laih lymâpa hawhta a châ aw; Eikhapi ta pao ta, Movi hlâta a pao hapa hawhta a châ aw.

ZEREMIAH 17:9

Palôh he hmo zydua hlâta dôvei a thai chaipa châ ta, Pasichhih ngaitapa a châ; Ahy ma chyhsapa palôh a pahno thei aw?

MATHAI 24:40

Lyu liata chyhsa pano y aw ei ta, pakha lapa châ aw ta, pakha siesaipa a châ aw.

RYHPACHANEINA 32:23

“‘Ama chô liata raona pacho thlu aw ei na ta, Ei châtaizy ei hmâ thlu aw ei.

RYHPACHANEINA 32:42

Ei châtaizy thisaih pari awpa ta tao aw na ta, Ei zaozi ta sapa niepa ta, Thiepa nata patupazy thisaih doh aw ta, Chariah hyutuh sâ seihpazy luh tawhta thisaih a doh aw,’ tah ta.