HLAZY 64:3 - Mara Bible RV (BSI)

³ Chazy chata zaozi hawhta ama paleih chata ei ta, Châtai hawhta bie khapazy ta ama mopâ.

HLAZY 64:3 Cross References

HLAZY 11:2

Moleipazy ta libaw a keipa ta, A ri liata ama châtai pataoh ha ei ta, Chyhsa dopa cha azo ta a palôh liata ka amâ chhuah.

HLAZY 141:9

Khoheih eina chôkhâhpa tawh ei ta na pabohsa la, Hmoparaopazy khoheih tawhta na pabohsa mah y!

HLAZY 57:4

Ei hrona he chakeibarôhneipazy hry liata y ta, Sahrâhpazy hry liata a zia na ta; Asei nata châtai hâh hnei ta, Zaozi tiahpa paleih a hneipa chyhsa sawzy hry liata ei y.

HLAZY 58:7

Ti a loh pathlahpa hawhta lei ei sala, Ama châtaizy ta ama mopâ tita a hmao a bih ha mawh sy.

BIESOZY 12:18

Zaozi chhôpa hawhta pasapa ta bie a reihpa y ei ta, Asopa paleih deikua cha tlâhna a châ tyh.

BIESOZY 30:14

Zaozi hâh a hneipazy y ei ta, Chaizôh naoh a hneipazy chhao ama y; Alei tawhta dyhchhiepazy palâ khai ei ta, Chyhsazy hry tawhta phahlapazy ama palâ tyh.

ISAI 54:17

Nâma a dyuh nawpa ta taopa chaihraizy cha, Kheihawhpa ta hmah cha tiah aw vei; Pachiana liata châ thyuhnaopa palei to chhao, Thailei na pachâsa aw ei. Cha cha Abeipa chakaotuhpazy ryuto châ ta, Kei tawhta ama thaichâna a châ,” Abeipa ta a tah.

ZEREMIAH 9:3

“Ama paleih libaw hawhta pako ei ta, Biedopa hlâta haipa bie râh liata tlao a laiseih via. Moleina tawhta molei viana lâ tôh lymâ ei ta, Kei na pahno veih ei,” Abeipa ta a tah.