HLAZY 63:8 - Mara Bible RV (BSI)

⁸ Ei hro ta khâchâ cha patu ta, Na ku chachâh lâta eina cha-ao chi.

HLAZY 63:8 Cross References

2 THÂTIHZYRONA 31:21

Hezekia cha Khazohpa o liata chakaona raihria ky liata zy, ryhpa kyh liata zy, biepiepa kyh liata zy, a Khazohpa tluana kyh liata zy, a taopa maih liata pathipalôh tlokhuh ta tao lymâ ta, chavâta thlaochhipa ta a y lymâ.

HLAZY 18:35

Na pachhana vyhphao na pie chi ta, Na ku chachâh lâta na cha-ao chi ta, Na nôphana ta eina parônahsa chi.

HLAZY 37:24

Abeipa ta a ku liahsa a patu hapa vâta, Pao hra sala, Pao pathlah aw vei.

HLAZY 41:12

Ei dona vâta nâ duakhei chi ta, Na hmiakô liata khâ eina paysa chi.

HLAZY 73:23

Chatahrasala na hnohta y lymâ na ta, Ei ku chachâh lâ khâ eina patu chi.

HLAZY 73:25

Avâ liana khi ta, Nâ leipa ta ahy hropa ma ei hnei tly? Alei liana chhao heta, Nâ leipa ta khopa hro hnei va na.

HLAZY 94:18

Ei phei a hluah ha khiah ma ei tah nota, Hy Abeipa, na kyhpachâna tleih beih leipa ta eina pathyu heih tyh.

HLAZY HLA 2:6

A ku chavei lâta bâh lô na pahua ta, A ku chachâh lâta einâ pyhpahly.

HLAZY HLA 3:2

Thyu aw na ta khihpi chahryhpa ta, Lâlaizy nata tlyliahzy chahryh laih aw na ta, Lôh rie ei ngiabâh chaipaw cha ei tlua laih aw. Tlua laih na ta, châhrasala hmô va na.

ISAI 26:9

Ei hro ta zâ ta cha vâ ta, Ei chhôh liata ei thlahpa ta mydi ta a cha pado tyh. Na pachianazy alei chô liata a vaw tlôna maihta, Khizaw chyhsazy ta siana amâ chu tyh.

ISAI 41:10

Chavâta chi khah y, Na hnohta ei y mâh tâh; Ngiarohpa ta y hra khah y, Na Khazohpa ei châ hih. Tha cha patlôpa ta cha bao aw na ta, Ei siana ku chachâh lâta khâchâ ei cha patu aw.

ISAI 42:1

Nâ chakaotuhpa nata ei duakheipa he moh u la, Ei tlyhpa nata ei hro ta â ly ngaitapa he moh teh u. A chô liata ei Thlahpa soh na ta, Râhzy liata adona a tlôkhei aw.

MATHAI 11:12

Bâtituhpa Zawhâna daihti tawhta tahmâ taihta vârâh khinarâh cha thachahra ta adyuhna vâta pasa tao lymâ ta, thachahra a hmâhpazy ta tararuahna ta ama la lymâ.

LUKA 13:24

“Chhikao buahpa liata a ngia a chhuah lylia teh u. Ei cha chho ei, chyhsa hluhpi ta a ngia a chhuah aw ei ta, a ngia thei aw veih ei.

KAOLAOSÂ 1:29

Cha châna chata hriapasa na ta, kei liata thatlô ngaitapa ta a hriatuhpa thatlôna zydua hmâpa ta ei tei lymâ.