HLAZY 60:7 - Mara Bible RV (BSI)

⁷ Kilia cha kei eih châ ta, Manase chhao kei eih a châ; Epharai cha ei lakhu châ ta, Zudâh cha ei ryureina chôchahrei a châ.

HLAZY 60:7 Cross References

ÂTHAONA 49:10

Ryureina chôchahrei ta Zudâh puasai leipa aw ta, Ryureituhpa chôchahrei a pheizy likawh tawhta pua aw vei. Reithaina a hnohta vaw tlô aw ta, Phopizy ta a bie ama zyh aw.

1 THÂTIHZYRONA 12:19

Sawla a dyuh awpa ta Philistinâ mo hnohta Dâvi a sie hra nota, Manase chi tawhta pheisaih thokhazy Dâvi lâ a vaw râ ei ta. Châhrasala Dâvi ta Philistinâ mo cha bao khao vei. Philistinâ ryureituhpazy ta reihpahmaoh ei ta, “A zibeipa Sawla chhâh a châpa ta, keimo luh tlao miah a la pathlei aw na,” tah ei ta, Dâvi cha ama pakuasa haw.

1 THÂTIHZYRONA 12:37

Zawdâh haosâ lâta a ypa Rubena chi, Kâdâ chi nata Manase chi khophie zy tawhta adyuhna chhaichhi kipa ta atobipa pheisaih 120,000.

HLAZY 108:7

Khazohpa ta a su pathaihpa tawhta hetana heta a tah: “Thaphapa ta Sekhe Khihpi pachhaih aw na ta, Sukô Saikao ei rairuah aw.

RYHPACHANEINA 33:17

Zawsi cha viahchao pataw tuapa tôhpa hawhta rônah ta, A kizy chaoliah tôhpa ki hawhta a châ; A ki ta phopizy tôh aw ta, Ama zydua ta alei chhâna taih a tôh pathlah aw ei. Âmo cha Epharai thy hluhpi châ ei ta, Manase sâh hluhpizy ama châ.”

ZAWSUA 13:31

Kilia râh khophie nata Bâsanâ bei Ôkâ khinarâh liata Astarô nata Edarei chhao âmo râh ta a ô. Chazy cha Manase sawchapawpa Mâkhi pathla khophiezy hnohta a pho pho ta ama ryuto châta piepa râhzy a châ.

ZAWSUA 17:1

Manase cha Zawsi sawchapaw uhtheipa a châpa vâta, hetana heta a tovyuh taopa a châ. Manase sawchapaw uhtheipa cha Mâkhi châ ta, Mâkhi cha Kilia paw a châ. Mâkhi cha pheisaih riahphapa a châpa vâta, Kilia nata Bâsanâ râh cha ano piepa a châ.

1 SAMUELA 28:2

Dâvi ta Akisâ hnohta, “A pha na, châ chakaotuhpa hmotaotheizie na pahno aw,” tah ta. Akisâ ta Dâvi hnohta, “A pha na, na hro chhôh zydua nâ vaituhpa ta ei cha tao aw,” tah ta.