HLAZY 6:7 - Mara Bible RV (BSI)

⁷ Ei mo he pachârôhna vâta rao khai ha ta, Nâ dyuhtuhpazy vâta a zoh via rili.

HLAZY 6:7 Cross References

2 ABEIZY 20:3

“Hy Abeipa, na hmiakô liata ngâchhihpa nata palôh phao phapakipa ei hnei tyhzie nata na mohmô liata hmo phapa ei tao tyhzie zy kha, ngiachhiepa ta a thei thlâh ha mah y,” tah ta. Hezekia cha thata cha ta.

ZAWBÂ 17:7

Hiehâna ta ei mo pazoh ta, Ei pôhpa pachiahpa zydua chhao nohpahlipa hawh a châ bâ.

ZAWBÂ 7:3

Hraoleipa ta thla hluhpi hmâh na ta, Zâ pachârôhnazy cha ei tovyuh a châ.

HLAZY 32:3

Ei moleina palâhâh leipa ta ei y nota, Noh y ta a hrô na ta, Ei ruzy a pasa khai ha tyh.

HLAZY 38:10

Ei châh-ao a chalyu ta, Ei tha eina chhâ khâh; Ei mo pavâna chhao, Eina leisai haw.

HLAZY 69:4

A chhâpa y leipa ta nâ haotuhpazy cha, Ei luh liata ei sâzy hlâta hluh via ei ta, Parao awpa ta haipa ta nâ teituhpazy chhao, Ama thatlô ngaita. Khâpa hmo ma ei paru tly, Tahmâ ei thô heih awpa cha?

HLAZY 88:9

Pachâchhiena vâta ei mo zoh khai ha ta, Hy Abeipa, noh chareih ta cha pado na ta, Nâ lâta ei kuzy ei vaw pazawh.

ZEREMIAH 45:3

‘Ei hu a po kaw dia! Abeipa ta ei sa pasana liata pachârôhna na baichha ha ta, ei hro chhao panao pâ khai ha ta, huhnona rai hmô thei va na,’ tah chi ta.

CHAPHÔHTUNA 5:17

He vâna heta eima palôhzy panao ta, Hezy vâna heta eima mozy a zoh haw,