HLAZY 6:2 - Mara Bible RV (BSI)

² Hy Abeipa, zawh nâ ngiah ma y, Ei panao ha hih; Hy Abeipa, na patlâh mah y, Ei ruzy a pasa ngaita.

HLAZY 6:2 Cross References

ÂTHAONA 20:17

Abarahâ ta Khazohpa lâ thlahchhâ ta, Khazohpa ta Abimele nata a lapinô nata a seichanôzy cha patlâh heih ta, chatanachata sawzy sa heih ei ta.

ZAWBÂ 19:21

Hy nâmo, ei viasazy saih u, Na ngiachhie u la, rie na ngiachhie muh vy; Khazohpa ku ta eina hria ha hih!

ZAWBÂ 5:18

Ano cha hmah paphao ta, Chahrypa heih tyh ta; Pasasa ta, A ku ta a patlâh heih tyh.

HLAZY 22:14

Ti hawhta leithapa ta y na ta, Ei ruzy â suhlie khai haw; Ei palôh kheilôh hawh châ ta, Ei chachôhna liata a ti khai haw.

HLAZY 30:2

Hy Abeipa ei Khazohpa, Baona hiapa ta cha awsao na ta, Eina patlâh ha chi.

HLAZY 31:10

Vâsâhpa ta ei hro hmâh na ta, Ei kôzy ahrôna ta khô ta; Ei paraona vâta ei tha chhâ ta, Ei ruzy pua a hmy khai haw.

HLAZY 32:3

Ei moleina palâhâh leipa ta ei y nota, Noh y ta a hrô na ta, Ei ruzy a pasa khai ha tyh.

HLAZY 38:2

Na châtaizy kei liata a chaloh ta, Na ku ta eina nâ chi.

HLAZY 38:3

Na palôh châ leina vâta, Ei sapa hriiah pathaih leipa ta; Ei moleina vâta, Ei ruzy tlâh vei.

HLAZY 38:7

Ei chai ei zôh thata palo ta, Ei sapa hriiah pathaih vei.

HLAZY 51:8

Thaphana nata alyna pyuzy na patheisa heih la, Na thlie hapa ruzy he a ly heih mawh sy.

PUASAINA 15:26

ama hnohta, “Abeipa Khazohpa ao pakhâta ta nathliepa ta, a mohmô liata hmo dopa taopa ta, a biepiepazy nathliepa ta, a bieraopazy na zyh khiahta cha, Izi mo chô liata hri ei patlôsapazy kha, na chô liata kheihawhpa hmah patlôsa aw va na, Kei he Zehôvâh Râfâ ei châ,” tah ta.

ZEREMIAH 10:24

Chavâta Hy Abeipa y, Na pado mah y; Na hiehâhna ta deikua châ leipa sala, Adona ta na pado mah y; Chataleipatala eina pahlei pathlei aw chi na.

ZEREMIAH 17:14

Hy Abeipa, na patlâh mah y, Chatanachata ei vaw tlâh ha aw; Na pachha mah y, Chatanachata pachhapa ta ei y aw; Nâma deita he reithaina ei hlâ tyhpa cha na châ.

HÔSIA 6:1

“A vy teh u, Abeipa lâ kua heih suh u; Miah hriechheih khai ha hra sala, Miah a patlâh heih aw; Miah tuchheih ha hra sala, Miah a chahrypa heih aw.

MALUHREINA 12:13

Mawsi ta Abeipa awsao ta, “Hy Khazohpa, Miria he ngiachhiepa ta patlâh mah y, ngiachhiepa ta,” tah ta.

MATHAI 4:24

Suria râh zydua liata a moh pathâh ta, chyhsa tlâhleipa zydua, pasana a hneipa nata hri ohpazy, ahripa patupazy, riapamiepazy nata asypazy a hnohta a vaw chhi ei ta, patlâh lymâ ta.

RYHPACHANEINA 32:39

“‘Tahmâ he pachâ teh u, Kei, kei deita he Ano cha châ na ta, Keima leipa ta Khazoh hropa rai y veih ei. Thie thei na ta, Ei pahro thei; Hmah paphao thei na ta, Ei patlâh thei; Ei ku tawhta a pachha theipa y veih ei.