Biblia Todo Logo
Online Bible

- Advertisements -




HLAZY 58:6 - Mara Bible RV (BSI)

6 Hy Khazohpa, ama pakah liata hâhzy thlie la, Hy Abeipa, chakeibarôhneipa lochopa naohzy thlie pachhô mah y.

See the chapter Copy




HLAZY 58:6
14 Cross References  

Sialeipa naohzy thlie na ta, A sataipa cha a hâh tawhta ei chhu tyh.


Ahy ma a hmia ochhizy a pahy thei aw? A hâhzy chichhih ngaitapa châ tlôh ta.


Moleipa nata hmoparaopa bâh thlie la, A moleina cha a chhâna taihta paphuahsa mah y.


Sa tai awpa a ngiatiah leipa Chakeibarôhneipa hawhta châ ei ta, Sa tai awpa a byhpa Chakeibarôhneipa lochopa hawhta ama châ.


Hy Abeipa, thyu la, Hy Khazohpa, na pachha mah y. Ei chariahpa zydua ama baih liata chabaih chi ta, Hmoparaopazy hâh na thlo tyh.


Chakeibarôhneipa nata vâzi zy tlypâ aw chi ta, Chakeibarôhneipa lochopa nata parihpi chhao, Phei ta na tlysao aw ei.


Parih ta pamaohpa a châ hlâta, A pamaohtuhpa a pachu ha khiahta cha, Pari pamaohtuhpa châta phahnaina y vei.


Abeipa ta hetana heta eina tah: “Chakeibarôhneipa nata chakeibarôhneipa lochopa zy ta, Sa ama taipazy chô liata a rôh ei ta; Mietaku vaituhpa sahlaozy ta amâ râhnaopa chhao ta, Ama awhsâhpa ta pachisa leipa ei ta, Ama pyu ta ama thlah a pazo leipa hawhta; Pheisaihzy Abeipa cha za chô aw ta, Zaio Tlâh liata zâ dyuh aw ta, A tlâh byuhpa liata a zâ dyuh aw.


“Pachâ teh u, vâzizy nama hry liata vaw tuah aw na ta, Chyuphao pangâh thei leipazy ei vaw tuah aw; Chazy chata ama cha pachu aw,” Abeipa ta a tah.


Epharai châta chakeibarôhneipa hawhta châ aw na ta, Zudâh châta chakeibarôhneipa lochopa hawhta ei châ aw. Kei, keima tlai ta hriechheih aw ei na ta, Ei sie ha aw; Siekhei aw ei na ta, A pachha awpa y aw veih ei.


Zakaw laibâhpazy cha, Râhsazy hry liata chakeibarôhneipa hawhta Râhzy hry liata y aw ei ta, Mietaku zaw hry liata chakeibarôhneipa lochopa hawhta Phopizy hry liata ama y aw. A chapia ti ei ta, Âmo cha alei liata a tlypabai aw ei; Âmo cha hriechheih khai aw ta, A pachha thei awpa y veih ei.


Moh tua, hao phopi huh! Chakeibarôhneipa panô hawhta thyu ta, Chakeibarôhneipa tôhpa hawhta â pathlua huh. A sa taipa a nie hlâlei a byu leipa aw ta, A thiepa thisaih a doh hlâlei a byu aw vei,” tah ta.


Follow us:

Advertisements


Advertisements