HLAZY 56:13 - Mara Bible RV (BSI)

¹³ Khazohpa hmiakô liata chareipa ta, Hrona khaihpa liata charei awpa ta, Ei hrona he thina tawhta pachha chi ta, Ei pheizy he ahluana tawhta na pabohsa haw.

HLAZY 56:13 Cross References

ÂTHAONA 17:1

Abarâ cha kô sychaki nata kô chaki a châ nahta, a hnohta Abeipa a vaw luah ta. Abeipa ta Abarâ hnohta, “Kei he Khazohpa Atotaotheipa ei châ. Ei hmiakô liata y la, seina rai hnei leipa ta y mah y.

ZAWBÂ 33:30

A thlahpa khaohtlô tawhta a chhi pakhua heihpa ta, Hrona khaihpa ta a chô liata a khaih thei nawpa ta, Cha hmo cha a taopa a châ.

HLAZY 145:14

Abeipa cha a pao awpa zydua patu ta, A bôhpa zydua a pathyu tyh.

HLAZY 17:5

Ei keih chakâpazy ta na lâpizy khâchâ a chhih ta, Ei pheizy a chapia beih vei.

HLAZY 49:15

Kei deikua cha ei hrona he, Khazohpa ta Athihkhih hmotaotheina tawhta chatlai aw ta, Ano ta eina vaw dy aw. Selah

HLAZY 94:18

Ei phei a hluah ha khiah ma ei tah nota, Hy Abeipa, na kyhpachâna tleih beih leipa ta eina pathyu heih tyh.

ISAI 2:5

Hy Zakaw pathlazy saih u, a vy u la, Abeipa khaihna liata charei ei suh u.

ISAI 38:3

“Hy Abeipa, na hmiakô liata ngâchhihpa nata palôh phao phapakipa ei hnei tyhzie nata na mohmô liata hmo phapa ei tao tyhzie zy kha ngiachhiepa ta a thei thlâh ha mah y,” tah ta. Hezekia cha thata cha ta.

THEIHTHAINA 23:38

Chazy cha Abeipa Pahânohzy liata pie awpa nama hmosaipiepazy, nama bietai zydua nata nama lôhthai hmopiepa zydua khô lâta Abeipa lâta nama pie awpazy a châ.

ZAWHÂNA 8:12

Zisu ta ama hnohta bie reih heih ta, “Kei he khizaw khaihpa ei châ. Ahy rai nâ zipa cha zohna liata charei leipa aw ta, hrona khaihpa tlao a hnei aw,” tah ta.

2 KAWRINI 1:10

Khazohpa ta thina chichhihpa tawhta miah pachha ha ta, miah pachha heih aw ta, miah a pachha lymâ aw tahpa eima hnabeiseihna ano liata eima pahnieh.

1 THYSALAWNIKA 1:10

vârâh tawhta a Sawchapawpa avyheihna a hâtuhpazy nama châzie miah ama chho. Ano cha Khazohpa ta athihpa hry tawhta a pathyupa Zisu kha châ ta, hiehâhna vaw tlô awpa tawhta miah a pachhatuhpa a châ.

HEBRAI 2:15

Chatanachata thi riah china sei ta hro chhôh a tâhpa zydua a pachha ha ei.

ZÂMIE 5:20

a paviana lâpi tawhta moleipa a chhi pakhuatuhpa cha, thina tawhta a thlahpa a pachhapa châ aw ta, a moleina hluhpi a khupa haw tahpa a pahno mawh sy.

1 SAMUELA 2:9

“A chyhsa ngâchhihpazy phei vaih aw ta, Moleipazy deikua cha zohna liata chhawh pathlahpa ama châ aw; Thatlôna vâta chyhsa a duah veih ei.