HLAZY 55:19 - Mara Bible RV (BSI)

¹⁹ Âmo cha hro a thla awpa khoh leipa ei ta, Khazohpa ama chi leipa vâta, Beidyuchhai liata tlyzaw ta a tyuhpa Khazohpa ta, Ei hiana thei aw ta âmo cha a panawh aw. Selah

HLAZY 55:19 Cross References

HLAZY 143:12

Ei chô liata na kyhpachâna tleih beih leipa vâta, Ei chariahpazy chhawh pathlah khai la; Ei khakhaipa zydua pahleipadia khai mah y; Châ chakaotuhpa ei châ hih!

HLAZY 65:5

Hy eima pachhana Khazohpa y, Hmo rônahpa taopa ta siana ta miah a chhy chi ta; Nâ cha khizaw kaokih hnabeiseihna châ chi ta, Tilaipi a hla chaipazy hnabeiseihna chhao na châ.

HLAZY 78:59

Cha kyh cha Khazohpa ta a thei nahta, A hiehâh ngaita ta; Izarei cha a dytha pathlah haw.

BIESOZY 1:32

Sona a phahlapazy cha lâpi ama tleisaina ta âmo cha thie tyh ta, Ahrupazy chhao âmo hruna ta a pahleipadia tyh ei.

BIECHHOTUHPA 8:11

Moleina hmo a taopazy cha thlai ta hriepa ama châ leipa vâta, chyhsa sawzy palôh cha moleina kyh liata a riah a pha tlamaw tyh.

ISAI 36:20

Ahy râh khazohzy kha ma ei ku tawhta ama râh a vaw pachha ha ei? Abeipa chata Zerusale he ei ku tawhta zua a pachha aw ma?’ a tah,” tah ta.

ZEREMIAH 48:11

“A thyutlia no tawhta Môabâ cha thadâhpa ta y ta, A beih chaopahrâ liata chhôhmohpa ta a y. Beih hropa lâ patly khaipa châ beih leipa ta, Seichâna lâ sie beih vei. Chavâta a pahâh tyhpa hawhta pahâh lymâ ta, A roh a nano beih vei.

MIKÂ 5:2

Nâ, Bethlehe Ephrâthâ y, Zudâh phozy hry liata chyh chaipa châ hra la, Nâma tawhta ei châta Izarei ryureituhpa a vaw pua aw. Ano cha hlâno tawhta a y hapa châ ta, Chhâzaw ta a y kôzawpa a châ.

ZEPHANIA 1:12

Cha daihti liata, Meiôh ta Zerusale ei tlua aw; Nyu chaopahrâ liata Kresawhti didâh hawhta Chhôhmohpa ta y ei ta, Ama palôh liata, ‘Abeipa ta hmo phapa tao leipa aw ta, Hmo chhiepa chhao tao hlei aw vei,’ A tahtuhpazy ei hrie aw ei.

RYHPACHANEINA 33:27

Tlyzaw Khazohpa cha na pahrâna châ ta, A ry lâta chhâzaw bâhzy a y; Na hmiakô tawhta chariahpa papua ta, ‘Pahleipadia teh u,’ a tahtuhpa a châ.

KAOLAOSÂ 1:17

Ano cha ato y hlâta a ypa châ ta, ano liata ato â syhpahmaoh khai.