HLAZY 55:14 - Mara Bible RV (BSI)

¹⁴ Nâ nata kei cha reikah thlôhpa ta bie reih khoh tyh pi ta, Khazohpa o liata a kao tyhpa mah eima châ tâh.

HLAZY 55:14 Cross References

ZAWBÂ 19:19

Ei viasa lôhkhyzy ta na pasi ei ta, Kyh ei pachâpazy ta einâ heihnao ei.

HLAZY 122:1

Chyhsazy ta ei hnohta, “Abeipa o lâ pangai ei suh u!” Ama tah nota ei ly kaw tyh.

HLAZY 41:10

Châhrasala Hy Abeipa, zawh nâ ngiah la, Viari ei thô thei nawpa ei ta, Na pathyu heih mah y!

HLAZY 42:4

Ei hro ei palâhâh nahta, He hmozy he ei thei tyh: Zasâh manôhzy hnohta sie hrapa ta, Khazohpa o lâ a pangaipazy chhihtha tyh ei na ta; Thaphapa ta awh ta alyna bie reina chôta, Kyhchhi a hmâhpazy ei chhihtha tyh ei.

ISAI 2:3

Zaio tawhta ryhpa bie pua aw ta, Zerusale tawhta Abeipa bie a pua awpa vâta, Phopi hluhpi a vy aw ei ta, “A vy teh u, Abeipa Tlâh lâ khy sih la, Zakaw Khazohpa o lâ khy suh u; A lâthlôhzy miah pachu sala, A lâpizy eimâ chhih theina hâh ta,” Ama tah aw.

EZEKIA 33:31

Phopi hawhta nâ lâ a vy aw ei ta, ei phopi haw tlai ta na hmiakô liata a tyuhpa ta, na bie reipa thei aw ei ta, châhrasala zyh hlei aw veih ei. Ama pakah ta aohraohna bie sai reih ei ta, ama palôh cha athôhna sai a pachâ tyh.