HLAZY 53:4 - Mara Bible RV (BSI)

⁴ Moleina hmo a tao tyhpazy he ama novâh vei tlyma i? Viahchhâ niepa hawhta ei chyhsazy nie khai ei ta, Khazohpa padona châh pahno veih ei.

HLAZY 53:4 Cross References

HLAZY 27:2

Hmoparaopazy nâ vyhnao ei ta, Ei sapa nie khai amâ chhuah; Ei chariahpa nata ei khakhaipazy cha, Âmo tlao a chapia ei ta ama pao.

HLAZY 94:8

Hy phopi nomaoh chaipa, na novâh bâ mawh sy! Hy ahrupazy saih u, khatita ma nama so aw?

ISAI 27:11

A chiahzy cha ama uah tita tlie ei ta, Chanôzy a vy ei ta tho châta ama pakhy tyh. Pahnona a hnei leipa phopi châ ei ta, Chavâta âmo a taotuhpa ta zawh a ngiah leipa aw ei ta, Âmo a paduatuhpa ta khohkhei aw veih ei.

ZEREMIAH 10:25

Châ pahno leipa râhzy chô liata na hiehâhna lei thlu la, Na mo a pado leipa phopizy chô liata chhao lei thlu mah y. Zakaw cha palâpa ta nie khai ha ei ta, A pahrâna râh roryhrapa ta ama tao ha hih.

ZEREMIAH 4:22

“Ei phopi cha hru ha ei ta, Na pahno veih ei; Saw nokhih leipazy châ ei ta, Novâhna hnei veih ei. Hmo pha leipa taona liata so kaw ei ta, Hmo phapa taonazie deikua pahno veih ei,” Abeipa ta a tah.

BIEPHUAH 17:16

Sahrâhpa nata ki hrawh na hmôpazy khata âzuahnô cha amâ hao aw. Roryhrapa nata thluahruapa ta tao aw ei ta, a sa nie aw ei ta, mei ta ama raosao aw.