HLAZY 53:2 - Mara Bible RV (BSI)

² Khazohpa ta vârâh tawhta chyhsa sawzy za sai ta, Novâhna hneipa ta, Khazohpa a tluapa ama y ma tahpa a za moh tyh.

HLAZY 53:2 Cross References

1 THÂTIHZYRONA 28:9

“Nâ, Sawlawmaw, ei sawchapawpa y, na paw Khazohpa he pahno la, pathipalôh tlokhuh ta nata tao khona palôh hneipa ta ano cha chakao mah y. Abeipa cha palôh zydua mohtuhpa châ ta, achhuahna nata pachâna zydua pahnotuhpa a châ. Ano cha na tlua khiahta cha, hmô awh chi ta, nâ heihsai khiah deikua cha, chhâzaw ta a cha thy aw.

2 THÂTIHZYRONA 15:2

Âsâ dy awpa ta pua ta, a hnohta, “Asâ nata Zudâh nata Benzami pathla zydua saih u, na nathlie teh u: Ano chhâh namâ châh chhôh zydua cha, Abeipa chhao ta nama chhâh a châ ta, ano nama tlua khiahta cha, hmô aw ei chi ta, ano namâ heihsai khiahta cha, ano chhao ta a châ heihsai aw ei.

2 THÂTIHZYRONA 19:3

Chatahrasala Aseri tôhzy râh tawhta pahleipadia chi ta, Abeipa tluana lâta na palôh na paheipa vâta, phana khazie rakha ma cha na hnei,” tah ta.

ZAWBÂ 28:28

Chatawhcha chyhsapa hnohta, ‘Pachâ teh, Khazohpa china he sona cha châ ta, Moleina a heihsaipa he pahnona cha a châ,’ a tah,” tah ta.

HLAZY 10:4

Hmoparaopa apalaina hmia a phaohpa cha, Khazohpa tlua leipa ta, A pachâna zydua liata, “Khazohpa y vei,” a tah tyh.

HLAZY 102:19

Abeipa ta a su sâhpa pathaihpa tawhta za moh ta, Vâ tawhta lei lâ a za sai,

HLAZY 11:4

Abeipa cha a Achhyna o pathaihpa liata y ta, Abeipa beidyuchhai cha avâ liata a y; A mo ta moh ta, A mokhaoh ta chyhsa sawzy a pasia tyh.

HLAZY 111:10

Abeipa china cha sona athaona châ ta, Abeipa a chituhpa zydua ta novâhna ama hnei. Abeipa cha tlyzaw ta reithaipa ta y mawh sy!

HLAZY 27:8

“Ei hmia na tlua muh vy,” tah chi ta, “Hy Abeipa, na hmia tlai cha ei tlua,” tahpa ta, Ei palôh ta a cha chho.

ISAI 55:6

“Hmô thei awpa ta a y nota Abeipa cha tlua u la, Â hnia nona heta aw teh u!

ZEREMIAH 16:17

Ama hrozie zydua ei hmô khai. Kei tawhta a nyu thei leipa ei ta, ama paraona chhao ei mo tawhta a nyu thei vei.

ZEREMIAH 23:24

“Ei hmô thei lei nawpa ta, su nyupazy liata a nyu theipa ama y ma?” Abeipa ta a tah. “Avâ nata alei he kei ta bie thlâh ha va na ma?” Abeipa ta a tah.

RYHPACHANEINA 4:6

Chavâta zyh u la, tao muh vy. Cha cha phopizy mohmô ta nama sona nata novâhna a châ aw. Chatanachata bieraopa zydua cha ama thei tita, “He phopi rônahpa he phopi sopa nata novâhpa tlai na ama châ,” ama tah aw.