HLAZY 53:1 - Mara Bible RV (BSI)

¹ Ahrupa ta a palôh liata, “Khazohpa y vei,” a tah tyh. Avyuhna tao ei ta, Moleina pasi chhihpa tao ei ta, Hmo pha a taopa rai y veih ei.

HLAZY 53:1 Cross References

1 ABEIZY 12:26

Zerôbaw ta a palôh ta, “Abeinarâh he Dâvi pathlazy eih a châ thlâh ha heih thei ngyu aw.

1 ABEIZY 14:24

Achhyna suzy liata chapaw âzuahpazy taihta râh liata y ei ta. Izarei sawzy hmiakô liata Abeipa ta a papua hapa phopizy hmotaopa pasichhihpa to kha tao hra ei ta.

ZAWBÂ 14:4

Ahy ma hmo pathaih leipa tawhta hmo pathaihpa a papua thei aw? Pakha hmah y veih ei.

ZAWBÂ 15:16

Chyhsa pasichhihpa nata avyuhpa, Ti hawhta adoleina a dohpa chhochhi cha, A mohmô liata a tloh lei pachai aw dia!

HLAZY 10:11

A palôh liata, “Khazohpa my ha ta, A hmia nyukhâh ha ta, Khati hmahta hmô aw vei,” a tah tyh.

HLAZY 10:13

Khazia moleipa ta Khazohpa a heihsai ta, A palôh liata, “Na pasia bao vei,” a tah tly?

HLAZY 10:4

Hmoparaopa apalaina hmia a phaohpa cha, Khazohpa tlua leipa ta, A pachâna zydua liata, “Khazohpa y vei,” a tah tyh.

HLAZY 10:6

A palôh liata, “A chalyu beih aw va na, Chhâ zydua ta chhiena a tyh aw va na,” tah ta.

HLAZY 88:1

Hy Abeipa, ei pachhana Khazohpa y, Na hmiakô liata chhô nah zâ ta ei awh hih.

HLAZY 92:6

Ahrupa ta pahno thai leipa ta, Angâpa ta he kyh he a novâh vei:

EZEKIA 16:47

Ama hroziezy a chhih chi ta, pasichhihpa hmo ama taopazy na tao hrapa dei châ leipa ta, daihti chyuta chhôh ta, na moleina nata na hrozie zydua liata âmo hlâta na paru via haw.

EZEKIA 16:51

Samâri cha na moleina khophie chhao tao vei. Âmo hlâta hmo pasichhihpazy tao hluh via syulyu chi ta, hmo pasichhihpa na taopa zydua vâta, na narôzy hmâchhâh ta chyhsa siapa lâta tlao amâ lâ haw.

MATHAI 5:22

Kei deikua ta cha ei cha chho ei. Ahy rai a unawhpa chô liata a hie a hâhpa cha, a thâtih pachia tlâh a châ. A unawhpa ‘Dyutlaileipa’ a tahpa cha ryureina liata tlôkhei tlâh châ ta, ‘Ahrupa’ a tahpa chhao, hriena su mei lâ sie tlâh a châ.

LUKA 12:20

Châhrasala Khazohpa ta a hnohta, ‘Ahrupa! Tazâ he na thlahpa lapa châ aw ta, na hmo hneipazy kha ahyzy ma a to aw ei?’ tah ta.

RAWMA 1:21

Khazohpa cha pahno taraw ei ta, châhrasala Khazohpa hawhta palyupalih leipa ei ta, alyna bie hlâ hra veih ei. Hmo hraoleipa tlao pachâ via ei ta, ama pathipalôh hruna cha a vaw zoh haw.

RAWMA 1:28

Khazohpa pahnopa cha hmo phahnai leipa hawhta ama pachâpa vâta, palôh doleipa phaoh ta, tao lei awpazy tao awpa ta Khazohpa ta âmo cha â heihsai ha ei.

EPHESI 5:12

Arulâta ama tao tyhpazy cha, reipa chhao ta nozachhihpa hmo a châ.

RYHPACHANEINA 12:31

Abeipa na Khazohpa cha âmo taozie hawhta namâ chhy awpa châ vei. Ama khazohzy amâ chhyzie liata, Abeipa ta â haopa hmo pasichhihpa to tao ei ta, ama sawchapawzy nata ama sawchanôzy taih mei liata raopa ta ama khazohzy lâta ama hlâ tyh.

1 PITY 4:3

Zenitaizy khopa taopa ta, parâna, aohraohna, paripangana, a hlao ta apatlana, sahma do pahmaohna nata nothlahpa achhyna pasichhihpa zy liata nama vaw tlaih tyhpa kha â daih ha bâ.