HLAZY 51:4 - Mara Bible RV (BSI)

⁴ Na chô liata, nâma chô lia tlai ta vaw molei na ta, Na mohmô liata hmo pha leipa ei vaw tao haw; Na biezy liata thaichâ chi ta, Na pachiana liata seina y vei.

HLAZY 51:4 Cross References

ÂTHAONA 20:6

Khazohpa ta a mâ lâta, “Â do na, palôh dopa ta kha hmo kha na tao tahpa ei pahno. Chavâta ei chô liata hmo na parao lei nawpa ta, keima tlai ta cha pakhâ na ta, ano na hria awpa ei cha pasai leipa a châ.

ÂTHAONA 38:7

Zudâh sawchapaw uhtheipa Erâ cha Abeipa mohmô ta moleipa châ ta, chavâta Abeipa ta ano cha a thie haw.

ÂTHAONA 39:9

he o liata keima hlâta a lai viapa ahy hmah y veih ei. A lapinô na châpa vâta, nâma dei leipa ta cha, ei châta a pasai leipa khâpa hmah y vei. Chavâta kheihta ma, he moleina lai ngaitapa he taopa ta Khazohpa chô liata hmo ei parao thei aw?” tah ta.

ÂTHAONA 9:6

“Khazohpa ta chyhsapa cha, Ano kakuapa ta a taopa vâta, Chyhsapa thisaih a palopa maih cha, Chyhsapa lilaw ta ano thisaih a palo hra aw.

2 ABEIZY 17:17

Ama sawchapawzy nata ama sawchanôzy raopa hlâna atheihna ta hlâ ei ta, pachaopazy nata dyuzy hmâh ei ta, Abeipa mohmô liata hmo pha leipa tao awpa ta âmosasyh a zuah ei ta, Abeipa hie ama pahâh tyh.

2 ABEIZY 21:6

A sawchapawpa cha raopa hlâna atheihna ta hlâ ta, kulâmopa nata pachaopa zy hmâh ta, peihthaipa nata athihpa bie a chho thaipazy â saohiah tyh. Abeipa mohmô liata hmo pha leipa tao ta, Abeipa hie pahâh ha ta.

HLAZY 50:4

A phopi pachia awpa ta, Chô lâ avâzy aw ta, Alei chhao a aw.

HLAZY 50:6

Avâzy ta a siana phuah ta, Khazohpa ano tlai cha pachiatuhpa a châ. Selah

ISAI 43:25

“Kei, keima tlai he, Ei moh vâta na paraonazy a phietuhpa châ na ta, Na moleinazy a thei khao aw va na.

THEIHTHAINA 5:19

Abeipa hmiakô liata thailei a châ ha tlaipa vâta, cha cha a thaileichâna hlâna a châ,” tah ta.

LUKA 15:21

A sawchapawpa ta a paw hnohta, ‘Ei pâ y, Khazohpa chô liata nata na hmiakô liata hmo ei parao haw. Na sawchapawpa ta bi tlâh chhao châ khao va na. Na hnohta hria hlaopa pakha hawhta rie na tao hra mah y,’ tah ta.

LUKA 7:29

A bie reipa cha zawpi zydua nata chhiekheituhpazy ta ama thei nahta, Khazohpa hmotaopa siapa liata a ly ngaita ei ta. Âmo cha Zawhâna liata bâti a châ chiehpazy ama châ.

HMOTAOPAZY 17:31

Ano ta â tlyhpa hmâpa ta, siana ta khizaw a pachia nawpa noh a rao haw. Â tlyhpa chyhsa cha athihpa hry tawhta a pathyuna liata, pachiana a y tlai awpa a châzie chyhsa zydua hnohta a pa-i haw,” tah ta.

RAWMA 2:5

Na palôh kuhchhana nata ro khoh leina vâta, hiehâhna noh, Khazohpa pachiana siapa â vaw luahna noh châta, nâmasasyh ta hiehâhna nâ pachôpakhy.

RAWMA 3:4

Châ bao va! Chyhsa zydua a haihpa châ hra ei sala, Khazohpa cha adopa a châ, Biehrai liata, “Na bie ta thai châ la, Pachiapa ta na y tita, Pahniena to mah y,” tahpa ta ropa hawhna khata.

ZÂMIE 2:11

“Aphei kha,” a tahtuhpa cha, “Liany cheih kha,” a tahtuhpa a châ hra. Chavâta nâ phei leipa chhao ta, liany a cheihpa na châ khiahta cha, ryhpa a paraotuhpa na châ.

ZÂMIE 2:9

Khokhei viapa nama hnei khiahta deikua cha, moleina hmo a taopa châ ei chi ta, hmoparaotuhpa nama châ tahpa ta ryhpa ta thailei a cha pachâsa ei.

BIEPHUAH 16:5

Ti vâlyuhchâpa ta, “Hy Mo Pathaihpa y, Nâ cha adopa châ chi ta, A y haipa nata a y hapa na châ; Pachiana dopa na vaw tlôkhei haw.

BIEPHUAH 19:11

Chatawhcha vârâh a vaw pahy ta, arâ râhpa hmô na ta. A chô liata a kiahpa cha Ngâchhihpa nata Hmeiseihpa moh bipa châ ta, siana ta ryureih ta, chariah a dyuhpa a châ.