HLAZY 50:22 - Mara Bible RV (BSI)

²² “Chavâta nâmo, Khazohpa a mypa saih u, A phapa ta pachâ teh u; Chataleipatala cha hriechheih aw ei na ta, Châ pachha awpa y aw veih ei.

HLAZY 50:22 Cross References

2 SAMUELA 22:42

Mohmia pasaih ei ta, A pachha awpa y veih ei; Abeipa aw ei ta, Châhrasala âmo a chhy vei.

ZAWBÂ 10:7

Thaileina ei hnei leizie pahno chi ta, Na ku tawhta nâ pachha awpa y veih ei tahpa Na pahno thlâh ha vei ma?

ZAWBÂ 8:13

Cha hawhpa cha Khazohpa a mypa zydua lâpi châ ta, Khazohpa a pachâ leipazy hnabeiseihna cha a leidia aw.

HLAZY 10:4

Hmoparaopa apalaina hmia a phaohpa cha, Khazohpa tlua leipa ta, A pachâna zydua liata, “Khazohpa y vei,” a tah tyh.

HLAZY 7:2

Chataleipatala chakeibarôhneipa hawhta ei hro chaphie aw ei ta, Pachhatuhpa hnei leipa ta ama hriechheih khai pathlei aw.

HLAZY 9:17

Moleipa cha Athihkhih lâ kua aw ta, Khazohpa a mypa phopi zydua chhao Athihkhih lâ ama kua hra aw.

HLAZY 9:18

Phahlapazy cha my ngâ thlâh hapa châ lei paw ei ta, Dyhchhiepazy hnabeiseihna chhao chhâzaw ta lei aw vei.

BIECHHOTUHPA 7:14

Phana noh liata a ly la, chhiena no liata he he pachâ mah y: Phana chhao, chhiena chhao, Khazohpa taopa a châpa vâta, chyhsapa ta a hmialâ daihti liata hmo a vaw y awpa khâpa hmah pahno vei.

ISAI 51:13

Abeipa, nâma châ Taotuhpa cha my chi ta, Avâ paraipa ta alei abôna lôbôzy a bôtuhpa mypa ta, Parao châ chhuahpa tlybaituhpa hiehâna vâta Noh y ta chipa ta a y thlâh hapa chi cha, Ahy ma na châ tly? Tlybaituhpa hiehâhna cha khataih liata ma a y?

ZEREMIAH 2:32

Laihsa kôpa ta a sôh nata thih atobinazy a my aw ma? Myuh ta a myuh chysia a my thei aw ma? Ei phopi deikua cha na my ha ei ta, Noh rei tiah lei eina my ha ei.

EZEKIA 18:28

A pachâ pasia ta, moleina a vaw tao hapa zydua â heihsai hapa vâta, a hroh tlai awpa a châ; a thi awpa châ vei.

HÔSIA 13:8

Chavyh a taw ama chhupa hawh ta A zawhnao aw ei na ta, Ama châh-ao alâna taihta Ei hriechhei khai aw ei; Cha liata âmo cha, Chakeibarôhneipa hawhta nie aw ei na ta; Sahrâhpa hawhta Ei hriechheih khai aw ei.

HÔSIA 4:6

Pahno leina vâta Ei phopi cha paraopa a châ; Pahnona na dythapa vâta, Ei theihthaipa na châna tawhta Ei cha dytha ha hra. Na Khazohpa ryhpa na mypa vâta, Kei chhao ta na sawzy ei my hra aw.

HÔSIA 5:14

Epharai châta chakeibarôhneipa hawhta châ aw na ta, Zudâh châta chakeibarôhneipa lochopa hawhta ei châ aw. Kei, keima tlai ta hriechheih aw ei na ta, Ei sie ha aw; Siekhei aw ei na ta, A pachha awpa y aw veih ei.

AMÔSÂ 2:14

A râ thei kawpa chhao ta chatlie thei khao leipa aw ta, Thatlôpa thatlôna y khao aw vei; Pasaipha chhao ta A hrona pabohsa thei aw vei.

MIKÂ 5:8

Zakaw laibâhpazy cha, Râhsazy hry liata chakeibarôhneipa hawhta Râhzy hry liata y aw ei ta, Mietaku zaw hry liata chakeibarôhneipa lochopa hawhta Phopizy hry liata ama y aw. A chapia ti ei ta, Âmo cha alei liata a tlypabai aw ei; Âmo cha hriechheih khai aw ta, A pachha thei awpa y veih ei.

HÂKAI 1:5

Chavâta Pheisaihzy Abeipa ta hetana heta a tah: Nama lâpizy pakhâta ta moh teh u.

LUKA 15:17

 vaw pahno pasia nahta, ‘Ei paw o liata hria hlaopa hluhpi y ei ta, nie tiah lei ama hnei thlâh bao na ta, kei deikua cha nodipa ta he liata ei thi aw hih!

RYHPACHANEINA 32:18

Châ satuhpa Lôpanô pachâ khao leipa ei chi ta, Châ taotuhpa Khazohpa nama my haw.

RYHPACHANEINA 32:39

“‘Tahmâ he pachâ teh u, Kei, kei deita he Ano cha châ na ta, Keima leipa ta Khazoh hropa rai y veih ei. Thie thei na ta, Ei pahro thei; Hmah paphao thei na ta, Ei patlâh thei; Ei ku tawhta a pachha theipa y veih ei.