HLAZY 50:2 - Mara Bible RV (BSI)

² Khazohpa cha Zaio tawhta vaw khaih ta, Khihpi ngia chaipa tawhta a vaw khaih.

HLAZY 50:2 Cross References

HLAZY 48:2

A tlâh sâhzie angiana ta, Khizaw zydua palysa ta, Maw lâta Zaio Tlâh cha, Bei rônahpa khihpi a châ.

HLAZY 48:3

Khazohpa cha thokhy ta dôhpa abei ozy liata pahrâ ta, Ano tlai cha abohna thokhy a châzie a palâsa.

HLAZY 68:24

Hy Khazohpa, na sie haipa hmô ei ta, Ei Khazohpa, ei Beipa, Su pathaihpa lâ na siepa chhao ama hmô.

HLAZY 80:1

Hy Izarei vaituhpa, Na nah vaw pachôh la; Mietaku zaw hawhta Zawsi a chhihthatuhpa y, Na nah vaw pachôh mah y! Cherubizy chô liata bei ta patyupa y, Vaw khaih mah y!

HLAZY 80:17

Na ku chachâh ta na hmâpa chyhsa chô liata na ku pahnieh la, Nâma châta na mohôhpa chyhsa sawchapawpa chô liata na ku pahnieh mah y!

HLAZY 80:2

Epharai nata Benzami nata Manase hmiakô liata, Na thatlôna pathyu la, Miah pachha awpa ta a vy mah y!

HLAZY 94:1

Hy Abeipa, phuh latuh Khazohpa, Hy phuh latuh Khazohpa y, Khaih lymâ mah y!

HLAZY HLA 5:16

Ano cha a reikah a thlôh chaipa châ ta, Kho a pao chaipa a châ. Hy Zerusale zuahzy saih u, Ei lôhdupaw cha ano cha châ ta, Ei viasapa cha ano cha na a châ.

ISAI 12:6

Hy Zaio sawzy saih u, Nama hry liata a ypa Izarei Mo Pathaihpa cha, Rônah ngaitapa a châpa vâta, Thata awh u la, alypa ta hla sa teh u.”

ISAI 26:21

Moh teh u, lei chyhsazy ama paraona vâta hrie awpa ta, Abeipa cha a yna tawhta vaw pua aw ta, Alei ta a chô liata thisaih palopazy palâhâh aw ta, Ano liata ama thiepazy nyu khao aw vei.

CHAPHÔHTUNA 2:15

Lâpi liata châ chapiapa zydua ta Ama ku ama cha chabaih chie; Zerusale sawchanô cha hmaotô chiepa ta ama luh chahuah chie ei ta, “He he khihpi chhithai pakipa, Khizaw zydua a palysapa khihpi, Ama tah tyhpa kha châ vei ma?” ama tah.

HÔSIA 5:15

Ama thaileichâna a pahnopa ta, Ei hmia ama tlua hlâlei cha, Ei pahrâna su lâ ei kua chy aw; Chtanachata ama riethei pasataona vâta, Eina tlua hmeiseih bâ aw ei.

HABAKU 2:20

Abeipa cha Achhyna o pathaihpa liata pahrâ ta, Leilô zydua a hmiakô liata a chalih mawh sy!”

ZEKARIA 9:17

Kho amâ chhih awpazie nata amâ ngia awpazie rimâ cha! Kôvei phapa ta satliazy pasosâhsa aw ta, Kresawhti thiehpa ta laihsazy a pasosâhsa aw.

RYHPACHANEINA 33:2

Hetana heta byhnâ a awpa ei: “Sinai tawhta Abeipa a vy ta, Seirâ tawhta noh hawhta vaw chhipa ta, Pârâ Tlâh tawhta a vaw khaih; Mopathaihpa thysâh hry tawhta a vy ta, A ku chachâh lâta mei paleih â chaba.

BIEPHUAH 1:16

A ku chachâh lâta awhsi miasari chaba ta, a pakah tawhta zaozi hâh nopa vaw pua ta, a hmia cha nohchhô locho no hawhta a khaih.

BIEPHUAH 21:23

Khihpi pakhaihsa awpa ta noh a ngiah leipa ta, thlâpâ chhao a ngiah hra vei, Khazohpa rônahna ta pakhaihsa ta, Mietakutaw cha a meiôh a châ.