HLAZY 50:1 - Mara Bible RV (BSI)

¹ Abeipa, Khazohpa Atotaotheipa ta bie reih ta, Noh chhina tawhta noh tlana taihta, Leilô zydua a awpakhy.

HLAZY 50:1 Cross References

ÂTHAONA 17:1

Abarâ cha kô sychaki nata kô chaki a châ nahta, a hnohta Abeipa a vaw luah ta. Abeipa ta Abarâ hnohta, “Kei he Khazohpa Atotaotheipa ei châ. Ei hmiakô liata y la, seina rai hnei leipa ta y mah y.

1 ABEIZY 18:21

Elaizâh ta zawpi cha a kei hnia ta, ama hnohta, “Pachâna miano likah liata khachâ ma noraihpa ta nama y chy aw? Abeipa cha Khazohpa a châ khiahta cha, ano cha pazi u la, Bâlâ cha Khazohpa a châ khiahta cha, ano cha pazi muh vy,” tah ta. Zawpizy ta kawh kha hmahta a chhy leipa ei ta.

1 THÂTIHZYRONA 15:17

Chatanachata Livai pathlazy ta Zôela sawchapawpa Hemâ, a unawhzy hry tawhta Berekiah sawchapawpa Asâpha, ama unawhpa Merâri pathla tawhta Kusai sawchapawpa Ethâ,

1 THÂTIHZYRONA 16:37

Chatanachata Abeipa Biehrai Byh hmiakô liata â ngiahna hawhta noh chareih chakaona rai hria awpa ta, Bei Dâvi ta Asâpha nata a unawhzy soh ta.

1 THÂTIHZYRONA 25:2

Asâpha sawchapawzy tawhta Zaku, Zawsi, Nethaniah nata Asrelâh zy raopa châ ei ta, âmo cha abei biepiepa hawhta hrohsona hla a satuhpa ama paw Asâpha ta a chhihtha ei.

1 THÂTIHZYRONA 25:6

Ama zydua ta Khazohpa o liata chakaona rai châta paotlâzy, tlaipihzy totâzy tôpa ta, ama paw chhihthana ry liata Abeipa o liata pyungiapa lâchhâh chakaona rai hriatuhpazy ama châ. Asâpha, Zeduthu nata Hemâ zy cha abei biepiepa ry liata a ypa ama châ.

1 THÂTIHZYRONA 6:24

Asira sawchapawpa cha Tahâ châ ta. Tahâ sawchapawpa cha Urie châ ta, Urie sawchapawpa cha Uzia châ ta, Uzia sawchapawpa cha Sawla a châ.

2 THÂTIHZYRONA 29:30

Bei Hezekia nata beimachâzy ta Livai pathlazy cha, Dâvi nata hrohsopa Asâpha phipa reithaina hlazy sa awpa ta biepie ei ta. Thapha ngaitapa ta reithaina hlazy cha sa ei ta, a bôh ei ta, Khazohpa a chhy ei ta.

NEHEMIAH 9:32

“Chavâta eima Khazohpa, Khazohpa rônahpa nata thatlôpa nata chichhihpa, a biehrai patlôpa ta ngâchhihna a palâsa tyhpa Khazohpa y, keimo nata eima beizy, eima beimachâzy, eima theihthaipazy, eima hrohsopazy, miah pathlatuhpazy nata na phopi pôhpalôhpa chô liata, Asuria beizy daihti tawhta tanoh taihta rietheina vaw tlôpa zydua he, hmo chyhpa ta rie pachâ khah y.

NEHEMIAH 9:6

Nâ cha Abeipa châ chi ta, nâma deita he Abeipa cha na châ. Avâzy tao chi ta, avâzy avâ nata cha liata a ypa zydua na taopa a châ. Alei nata a chô liata a ypa zydua tao chi ta, tilaipi nata a chhôh liata a ypa zydua chhao na taopa sai a châ. Cha zydua cha hrona pie chi ta, avâ liata a ypazy ta ama châ chhy.

HLAZY 113:3

Noh chhina tawhta noh tlana taihta, Abeipa moh cha reithaipa ta y mawh sy!

HLAZY 73:1

Khazohpa cha Izarei chô liata pha ta, Palôh pathaihpazy chô liata a vaw pha tlai na.

HLAZY 74:1

Hy Khazohpa, khazia chhâzaw ta miah thy chi ta, Khazia na sibiepa su liata mietakuzy cha, Na hiehâhna meikhuh ta na pa-uh khai ha ei tly?

HLAZY 75:1

Hy Khazohpa, alyna bie eima cha hlâ; Na moh â hniapa vâta alyna bie cha hlâ pi ta, Na hmonoâh taopa kyhzy eima phuah.

HLAZY 76:1

Zudâh liata Khazohpa pahno ei ta, Izarei liata a moh parônahsapa ta a y.

HLAZY 77:1

Ao paropa ta Khazohpa lâ awh na ta, Khazohpa lâ tlai cha ao paropa ta ei awh; Kei lâta a nah a pachôh aw.

HLAZY 78:1

Hy ei phopi, ei pachuna nathlie la, Ei pakah biezy lâta na nah pachôh mah y!

HLAZY 79:1

Hy Khazohpa, phopi hropazy ta na ryuto râh lâ a vaw ngia ei ta, Nâma Achhyna o pathaihpa papuapaleipa ta, Zerusale khihpi ama parao haw.

HLAZY 80:1

Hy Izarei vaituhpa, Na nah vaw pachôh la; Mietaku zaw hawhta Zawsi a chhihthatuhpa y, Na nah vaw pachôh mah y! Cherubizy chô liata bei ta patyupa y, Vaw khaih mah y!

HLAZY 81:1

Eima thatlôna Khazohpa lâ ao paropa ta hla sa u la, Zakaw Khazohpa lâ a lypa ta awh teh u!

HLAZY 82:1

Khazohpa ta vâ pakhypi rônahpa chhihtha ta, Khazohzy hry liata ryureina siekhei ta, Hetana heta pachiana bie a phuah:

HLAZY 83:1

Hy Khazohpa, a chalih leipa la, Hy Khazohpa, a thlih thlâh ha leipa la, Y molo cheita khah y!

ISAI 1:2

Hy avâzy saih u, nathlie u la, Hy leilô, na nah pachô teh; Abeipa ta hetana heta a tah: “Sawzy a kuhkheipa ta palaiseihsa ei na ta, Châhrasala einâ chariah ha ei.

ISAI 37:20

Chavâta Hy Abeipa eima Khazohpa y, nâma deita he Abeipa cha na châ tahpa alei chô liata khinarâh zydua ta ama pahno thei nawpa ta, ngiachhiepa ta Senâkeri ku tawhtapa he miah pachha tlai mah y,” tah ta.

ISAI 54:5

Châ Taotuhpa cha na vahpa châ ta, A moh Pheisaihzy Abeipa a châ; Châ Chatlaituhpa chhao Izarei Mo Pathaihpa châ ta, ‘Khizaw zydua Khazohpa,’ Tahpa ta awpa a châ.

ISAI 9:6

Eima châta hawti vaw pih ta, Sawchapaw piepa eima châ haw. A ngiatlâh liata ryureina pahniehpa châ aw ta, A moh cha Ryhraotuh Noâhchhihpa, Kha­zoh Thatlôpa, Chhâzaw Paw, Dyhna Beipa bipa a châ aw.

ZEREMIAH 10:6

Hy Abeipa, nâ hawhpa he ahy hmah y veih ei; Nâ cha rônahpa châ chi ta, Thatlôna liata mohpathâhpa na châ.

AMÔSÂ 3:8

Chakeibarôhneipa a rôh ha ta, Ahy ma chi leipa ta a y aw? Abeipa Zehôvâh ta bie reih ha ta, Ahy ma phuah leipa ta a y thei aw?”

MALAKHAI 1:11

“Noh chhina tawhta noh tlana taihta phopizy hry liata ei moh palyupalihpa ta y aw ta, su to liata ropahâhpa nata hmohlâpa pathaihpazy ei moh ta ama hlâ tyh aw. Phopizy hry liata ei moh palyupalihpa ta a y aw,” Pheisaihzy Abeipa ta a tah.

MATHAI 25:32

a hmiakô liata phopi zydua a vypakhy aw ei ta, mietaku vaituhpa ta miezy hry tawhta mietakuzy a pahruapa hawhta, chyhsazy a pahrua aw ei.

ZAWSUA 22:22

“Zehôvah, khazohzy Khazohpa! Abeipa, khazohzy Khazohpa! Ano ta pahno ta, Izarei chhao ta pahno mawh sy! Eima maisâh taopa he Abeipa a dyuhpa tlyma, a rei a ngiah leipa tlyma a châ khiahta cha, tanoh he miah pahlôh khuh vy.