HLAZY 5:8 - Mara Bible RV (BSI)

⁸ Hy Abeipa, ei chariahpazy vâta na siana liata nâ chhi la, Ei hmiakô liata na lâpi patlâsa mah y.

HLAZY 5:8 Cross References

2 SAMUELA 12:14

He na hmotaopa heta Abeipa chariahpazy châta ano ama reipachhie nawpa rypaohpa na taopa vâta, na saw a pihpa deikua cha a thi aw,” tah ta.

HLAZY 119:10

Ei palôh zydua ta cha tlua na ta, Na biepiepazy tleisai awpa na pasaih khah y!

HLAZY 119:64

Hy Abeipa, alei he na kyhpachâna ta a bie; Na bieraopazy na pachu mah y!

HLAZY 138:2

Nâma Achhyna o pathaihpa lâ a heipa ta a bôh na ta, Na zawngiahna nata ngâchhihna vâta, Na moh reithai aw na ta; Hmo to zydua hlâta na moh nata na bie na cheihchalo viapa vâta, Na moh ei reithai aw.

HLAZY 27:11

Hy Abeipa, ei chariahpazy vâna heta, Na lâpi na pachu la, Lâthlôh a raihpa liata nâ chhi mah y.

HLAZY 31:1

Hy Abeipa, nâ châ chhai na ta, Maophyuhpa ta na paysa leipa la, Na siana vâta na pachha mah y!

HLAZY 54:5

Ei chariahpazy cha chhiena ta viarithô aw ta, Na ngâchhihna vâta âmo cha pahleipadia mah y.

HLAZY 59:10

A kyhpachâna tleih beih leipa Khazohpa ta na vaw dy aw ta, Ei chariahpazy pahniepa ta ama ypa eina pamosa aw.

HLAZY 86:11

Hy Abeipa, na biehmeiseihpa liata ei y thei nawpa ta, Na lâpi na pachu la; Na moh ei chi thei nawpa ta, Palôh a ipa na pie mah y.

BIESOZY 4:25

Na mo ta hmia lâ moh lymâ sala, Na mo vo chhao â dypa ta hmia lâ sai lymâ mawh sy.

ZAWNA 2:5

Ei hrona la awpa ta tizy ta eina vao ei; Ti athupazy ta na chadô ei ta, Sipopazy ta ei luh ama pahly.

MATHAI 3:3

Hrohsopa Isai ta, “Râhchawhpa liata awhpa ao ta, Abeipa lâthlôh a chhuahdy u la, A lâpizy patlâsa teh u,” tahpa ta a vaw reichhieliepa kha, ano he a châ.

HEBRAI 12:13

Pheisypa cha a ru a suhlie leipa ta, patlâhpa a châ thei nawpa ta, nama pheizy châta lâpi patlâpazy tao teh u.