HLAZY 5:6 - Mara Bible RV (BSI)

⁶ Haipa bie a reihpazy pahleipadia chi ta, Thisaih palo hmâhpa nata dôvei thaipazy cha, Abeipa ta â hao ei.

HLAZY 5:6 Cross References

ÂTHAONA 34:14

Ama hnohta, “Paryhsa thei ma pi. Chopawtaileipa chyhsa lâ eima sietanô soh thei ma pi. Cha hawhta taopa cha keimo châta nohzaona a châ aw.

2 SAMUELA 16:8

A ryureina na chhupa Sawla chhôhkha thisaih zydua kha Abeipa ta na chô liata vaw paliesa ta, khinarâh cha na sawchapawpa Absalaw hnohta Abeipa ta a pie haw. Pachâ teh, thisaih palo hmâhpa chyhsa na châpa vâta, nâmasasyh ta nâ parao haw,” tah ta.

2 SAMUELA 20:1

Cha liata Benzami chi Bikhari sawchapawpa a moh Sebâ ama tahpa chyhsa leilôpa pakha y ta, ano chata chiahmie tô ta, “Dâvi liata tovyuh hnei leipa pi ta, Zese sawchapawpa liata ryuto hnei ma pi; Hy Izarei, nama poh o chyu lâta a di teh u!” tah ta.

HLAZY 11:5

Abeipa ta mosiapa cha pasia ta, Moleipa nata nôchhiepa zy deikua cha a hro ta â hao.

HLAZY 4:2

Hy chyhsazy saih u, Khati taih ma ei zachhihna he nozana ta tao aw ei chi ta, Khachâ ma hraoleipa biezy tlaichhaipa ta, Haipa biezy nama tlua aw tly? Selah

HLAZY 43:1

Hy Khazohpa, nâ duakhei la, Thai na pachâsa mah y! Khazohpa a pachâ leipazy tawhta na pachha la, Dôvei hmâhpa nata chyhsa doleipa tawhta na pachha mah y!

HLAZY 55:23

Châhrasala Hy Khazohpa, Moleipazy cha leidiana khaohtlô liata pathla aw chi ta, Thisaih a palopa nata chyhsa a dôveipazy cha, Ama chhâ khophie chhao hroh aw veih ei. Kei deikua cha, nâ ei cha ngâ aw.

ISAI 26:21

Moh teh u, lei chyhsazy ama paraona vâta hrie awpa ta, Abeipa cha a yna tawhta vaw pua aw ta, Alei ta a chô liata thisaih palopazy palâhâh aw ta, Ano liata ama thiepazy nyu khao aw vei.

RAWMA 1:29

Chatanachata sialeina chi to, apatlana, chhoruna, karâyna nata kiaphaona zy ta bie ei ta, hiatliana, lianycheina, ahryuna, dôveina, nôchhiena nata kyhchhie reina zy ta ama bie.

BIEPHUAH 21:8

Riahchhiepazy, ngiapâleipazy, pasichhihpazy, lianycheihpazy, sihryhpazy, dyuthaipazy, nothlahpa achhypazy nata haiphiahpa zydua to awpa deikua cha, mei nata kaih ta a kâ ngâpa tipo châ aw ta, cha cha thina einona a châ,” tah ta.

BIEPHUAH 22:15

Izy, dyuthaipazy, sihryhpazy, lianycheihpazy, nothlahpa a chhypazy nata haipa bie rei a pahâhpazy deikua cha, khihpi khôtho liata ama y aw.