HLAZY 49:18 - Mara Bible RV (BSI)

¹⁸ A hro nota byhnâ a topa hawhta â pachâ hra sala, Thlaochhipa ta na y nota chyhsazy ta cha reithai hra ei sala,

HLAZY 49:18 Cross References

ESTHERI 3:2

Ano kyh liata abei ta bie a piepa hawhta, abei tlyhmia liata a tyuhpa bei chakaotuhpa zydua ta Hâmâ hmiakô liata a bôhpa ta amâ naoh tyh. Môdekai deikua cha Hâmâ hmiakô liata a bôh khoh leipa ta, a naoh khoh vei.

ZAWBÂ 3:15

Ngôh a hneipa beisawzy, Ama o tâkâ ta a pabiepazy, Hezy hnohna heta a vaw môpa ta ei pahâ ha awpa tlai!

HLAZY 10:3

Moleipa cha a palôh khopa a palaikhei ta, Athôhna khohlei khohpa chyhsa ta Abeipa cha chhiesapa ta â heihsai tyh.

BIECHHOTUHPA 5:14

A sôh nata thihzy cha chhiena â tyhna liata lei khai ha ta, a sawchapaw châta a ku liata khâpa hmah y khao vei.

HÔSIA 12:8

Epharai cha a palai kawpa ta, “Âh, hneirôh ha na ta, Sôh nah thih ei hnei haw; Ei raihria zydua liata moleina hmô khao leipa aw ei ta, Paraona keima liata hmô khao aw veih ei,” a tah.

LUKA 12:19

Chatawhcha ei thlahpa hnohta, “Thlahpa y, kô hluhpi chhôh châta hmo hluhpi nâ pachô haw. A pahâ la, nie la, doh la, thaphapa ta y mah y,” ei tah aw,’ tah ta.

RYHPACHANEINA 29:19

“Cha hawhpa chyhsa ta he biehrai biezy he a thei tita, anosasyh ta a palôh ta byhnâ a awpa aw ta, ‘Ei palôh chhorupa lâpi a chhih hraw sah la, ei boh thlâh ha aw,’ tahpa ta pachâ aw ta, cha chata khihti phana râh chhao, râhchawhpa chhao, raona a tlôkhei aw.

1 SAMUELA 25:6

Keima moh ta a hnohta, ‘Na chô liata thlalôhna y mawh sy! Na o liata thlalôhna y mawh sy! Na hneipa zydua chô liata thlalôhna y mawh sy!