HLAZY 49:11 - Mara Bible RV (BSI)

¹¹ Ama moh ta râh mohzy bi hra ei sala, Ama chhâzaw o cha ama thlâzy châ ta, Chhâ zydua ta ama pahrâ nawpa su a châ.

HLAZY 49:11 Cross References

ÂTHAONA 4:17

Kainâ ta a lapinô a zialâh ta, a lapinô cha saw phaoh ta, Enawka sa ta. Chatawhcha khihpi padua ta, a sawchapawpa moh pachyuhpa ta khihpi moh cha Enawka a bi.

2 SAMUELA 18:18

Absalaw kha a hro chhôh ta Bei Saikao liata lô a vaw bô ha ta, “Ei moh a chhy awpa sawchapaw hra hnei tlôh leipa na ta, chavâta ei moh a lei lei nawpa ta keimasasyh ta lô ei bô ha aw,” tah ta, chavâta lôbô cha ano moh bi ta, cha cha tanoh taihta Absalaw Lôbô tahpa a châ.

HLAZY 10:6

A palôh liata, “A chalyu beih aw va na, Chhâ zydua ta chhiena a tyh aw va na,” tah ta.

HLAZY 39:7

“Hy Abeipa, tahmâ he khâpa ma ei hâ chy tly? Ei hnabeiseihna cha nâ liata y tlôh ta.

HLAZY 5:9

Ama pakah liata ngâchhihna y leipa ta, Ama palôh cha paraona ta a bie. Ama rao cha thlâ a pahypa châ ta, Ama paleih ta hmiahmô ama châ tyh.

HLAZY 64:6

Hmo doleipa tao awpa patuapalua ei ta, “Hmo phapa eima patuapalua haw,” ama tah tyh. Chyhsapa palôh nata pachâna he la, A vaw piehpie kaw tlai na!

BIECHHOTUHPA 2:14

Chyhsa sopa cha a luh liata mokhaoh hnei ta, ahrupa deikua cha zohna ry liata a sie tyh. Châhrasala ama to awpa cha ama zydua châta miakhapa a châ tahpa ei pahno.

BIECHHOTUHPA 2:21

Chyhsa ta sona nata novâhna nata zôthaina zy hmâpa ta hriapasa ta, a châh ta cha, a hriapasa leipa to awpa ta siesai awpa a châ thlâh ha tyh. Cha chhao cha hraoleipa nata paraona lai ngaitapa a châ.

EZEKIA 38:10

“Abeipa Zehôvâh ta hetana heta a tah: Cha noh liata, na palôh liata pachâna a vaw ngia aw ta, hmo pha leipa pachâhpadypa ta,

LUKA 11:39

Abeipa ta a hnohta, “Nâmo, Phârisaihzy ta cha nyu nata beikoh zy a chô lâ pasi tyh ei chi ta, nama chhôh lâ deikua cha karâyna nata moleina ta a bie.

HMOTAOPAZY 8:22

Chavâta na moleina ro la, na palôh phaozie a châ ngiahthai thei nawpa ta, Abeipa lâ thlahchhâ mah y.

RYHPACHANEINA 3:14

Manase pathla Zairâ ta Akaw râh zydua cha, Kesuri mo nata Mâkathai mo râhri taihta la ta, ano moh pachyuhpa ta Havôzairâ bi ta, chavâta Bâsanâ cha tanoh taihta Havôzairâ tahpa ta pahnopa a châ.

1 SAMUELA 15:12

Samuela cha Sawla a hmô awpa ta mydi kari ta thyu ta, chyhsazy ta Samuela hnohta, “Sawla cha Kâmel lâ sie ta, cha liata ano palyupalihna alô bô ta, kua heih ta, sie lymâ ta, Kilkal lâta a zu haw,” tahpa ta chho ei ta.