HLAZY 47:3 - Mara Bible RV (BSI)

³ Phopizy eima ry liata panawhsa ta, Râhzy eima phei ry liata a panawhsa.

HLAZY 47:3 Cross References

HLAZY 110:1

Abeipa ta ei Beipa hnohta, “Na chariahpazy ei phei tlyna ta ei tao hlâlei cha, Ei chachâh lâta a tyuh mah y,” tah ta.

HLAZY 18:47

Ano cha phuh nâ lapatuhpa Khazohpa châ ta, Phopizy ei ry liata a panawhtuhpa a châ.

HLAZY 66:5

A vy u la, Khazohpa hmotaopazy he moh teh u: Chyhsa sawzy chô liata a hmotaopa he, Noâh â chhih kaw dia!

HLAZY 81:14

Ama chariahpazy thlai panawh aw ei na ta, Ama khakhaipazy chô liata ei ku ei hy ha awpa tlai!

HLAZY 95:3

Abeipa cha Khazohpa rônahpa châ ta, Khazoh zydua chô lâta Bei rônahpa a châ.

HLAZY 99:2

Abeipa cha Zaio liata rônahpa châ ta, Phopi zydua chô lâta cheihchalopa a châ.

ZEREMIAH 10:7

Hy phopizy Beipa, Ahy ma cha chi leipa ta a y aw? Mo to ta ama cha chi awpa cha, Nâ phuhpa rai mah a châ tâh. Phopizy chyhsa sopa zydua hry liata, Nâ hawhpa he y leipa ei ta, Amâ beinarâh zydua liata chhao, Nâ hawhpa he y veih ei.

ZEKARIA 14:9

Abeipa cha alei chô zydua liata Bei a châ aw. Cha noh liata, Abeipa pakha deita y aw ta, a moh chhao moh kha dei a châ aw.

MALAKHAI 1:14

“A sahroh zaw hry liata seina hnei leipa a chapawpa hnei thlâh ha tlôh ta, cha cha pie awpa ta bie chhao a vaw taih ha ta, hnôhlâ ta seina a hneipa sahroh Abeipa lâta a hlâpa, dôvei hmâhpa chyhsa cha chhiesapa ta a y aw. Kei he Bei rônahpa châ na ta, ei moh he phopizy hry liata chizapa ta a y aw,” Pheisaihzy Abeipa ta a tah.

1 KAWRINI 15:25

A chariahpa zydua a phei ry liata a soh khai hlâlei Krista cha â bei chy aw.

RYHPACHANEINA 33:29

“Hy Izarei, na nohlao ngaita na! Nâ hawhta Abeipa ta a pachhapa phopi he ahy ma a y? Abeipa cha na châta baona vyhphao châ ta, Na pahniena zaozi a châ. Châ ngiarih awpa ta na chariahzy nâ lâ a vy aw ei ta, Ama ky lia na phei ta na tly aw ei.”

PHILIPI 3:21

Ato ano rei sai ta a paysa theipa Krista ta eima pôhpa nawh ngaitapazy he ano pôhpa rônahpa hawhta y awpa ta, a hmotaotheina hmâpa ta a taopathi aw.

ZAWSUA 21:44

Abeipa ta ama pathlatuhpazy hnohta bie â vaw taihpa hawhta, Izarei sawzy cha su to liata apahâna pie ta. Abeipa ta ama chariah zydua ama ku liata a pie khaipa vâ ei ta, ama chariah ahy hmah ama hmiakô liata a duah theipa y veih ei.