HLAZY 46:8 - Mara Bible RV (BSI)

⁸ A vy u la, Abeipa hmotaopazy he moh u la, Roryhrapa ta leilô a paysa hazie he moh tua u.

HLAZY 46:8 Cross References

HLAZY 146:5

Zakaw Khazohpa cha baotuhpa ta hnei ta, Abeipa a Khazohpa liata hnabeiseihna a hneipa cha, A hu â hieh na!

HLAZY 59:10

A kyhpachâna tleih beih leipa Khazohpa ta na vaw dy aw ta, Ei chariahpazy pahniepa ta ama ypa eina pamosa aw.

HLAZY 66:5

A vy u la, Khazohpa hmotaopazy he moh teh u: Chyhsa sawzy chô liata a hmotaopa he, Noâh â chhih kaw dia!

PUASAINA 10:7

Phiraoh chakaotuhpazy ta a hnohta, “Kha chyhsa kha khachâ ma eima châta khoheih a châ aw tly? Abeipa ama Khazohpa cha ama chakao thei nawpa ta, chyhsazy cha pasiesa thlâh ha bâ teh, Izi râh paraopa a châ hapa he pahno to va chi mâ?” tah ei ta.

PUASAINA 12:30

Phiraoh nata a chakaotuhpa zydua nata Izi mo zydua cha azo ta thyu ei ta. Athipa pakha hmah y leina o rai a y leipa vâta, Izi râh liata thata chana y ta.

ISAI 24:1

Pachâ teh u, Abeipa ta alei he parua aw ta, Roryhrapa ta a tao aw; Alei hmia he palie patheih aw ta, Alei chô liata a pahrâpazy a hiepatla khai aw ei.

ISAI 61:4

Bohpi a ry hapa suzy paduapathi aw ei ta, Roryhrapa ta khâ a y tyhpa suzy ama paduapathi aw. Khihpi rypazy paduapathi aw ei ta, Chhâ hluhpi roryhrapa ta a ypazy ama paduapathi aw.

ISAI 7:14

Chavâta Abeipa tlai ta ngiana a cha pie aw ei. Pachâ teh u, laihsa kôpa ta saw phaoh aw ta, sawchapaw sa aw ta, a moh Imanuel a bi aw.

ISAI 8:10

Pachânazy cha reih pahmaoh teh u, Châhrasala khâpa hmah châ aw vei; Bie cha reih teh u, Châhrasala a duah aw vei, Khazohpa eima hnohta a ypa vâta.

MALUHREINA 14:9

Abeipa chô liata a ty leipa u la, cha râh liata chyhsazy cha chi hra khah u, âmo cha eima châta viahchhâ hawh deita ama châ; amâ bohna cha âmo tawhta la hapa châ ta, Abeipa eima hnohta a y mâh tâh, âmo cha chi khah u,” tah ei ta.

MALUHREINA 23:23

Dyuthaina ta Zakaw tiah leipa aw ta, Pachaona ta Izarei hria thei aw vei; Zakaw nata Izarei thâtih rei tita, Khazohpa hmotaopa kyh reih tyhpa a châ aw.

RYHPACHANEINA 20:1

“Nama chariahzy a dyuh awpa ta nama sie tita, nâmo hneipa hlâta hluh viapa arâzy, talailihzy nata pheisaihzy nama hmô nahta, âmo cha nama chi awpa châ vei. Izi râh tawhta châ kaw chhi papuatuhpa Abeipa nama Khazohpa nama hnohta a y aw.

ZAWSUA 11:20

Abeipa ta Mawsi bie a piepa hawhta, Zawsua ta âmo cha zawngiahna hnei leipa ta, tlokhuh pahleipadia ta a pamua khai nawpa ei ta, Abeipa ta ama palôh kuh pachhasa ta, Izarei a padyuhsapa ei.