HLAZY 45:7 - Mara Bible RV (BSI)

⁷ Siana pasô chi ta, Moleina nâ hao; Chavâta Khazohpa, na Khazohpa ta, Na viasazy hlâta rônah viapa ta, Thaphana sathaw a cha thu.

HLAZY 45:7 Cross References

1 ABEIZY 19:16

Nisi sawchapawpa Zehu chhao Izarei bei châta sathawthu aw chi ta, Saphâta sawchapawpa Elaisâh cha, nâma su châ thla awpa hrohsopa châta sathaw na thu aw.

HLAZY 101:8

Râh liata moleipa zydua cha, My chareih ta pahleipadia aw ei na ta; Hmoparaopa zydua cha, Abeipa khihpi tawhta ei chhawh pathlah aw ei.

HLAZY 11:7

Abeipa cha asiapa châ ta, Siana hmotaopazy pasô ta, Chyhsa dopazy ta a hmia ama hmô aw.

HLAZY 2:2

Lei beizy amâ duana su liata a duah ei ta, Ryureituhpazy a hmaohpakhypa ta, Abeipa a dyuh awpa ta ryhrao khoh ei ta, A sathawthupa a dyuh awpa ta amâ paraoh.

HLAZY 21:6

Chhâzaw ta byhnâ a to awpa ta tao chi ta, Na ypâna alyna liata thaphapa ta na paysa.

HLAZY 33:5

Siana nata adona pasô ta, Leilô he Abeipa kyhpachâna tleih beih leipa ta a bie.

HLAZY 89:20

Nâ chakaotuhpa Dâvi hmô na ta, Ei sathaw pathaihpa ta ano cha sathaw ei thu.

HLAZY 89:26

Na aw aw ta, ‘Ei Paw châ chi ta, Ei Kha­zohpa nata ei pachhana lôpanô na châ,’ Eina tah aw.

HLAZY 99:4

Hy Bei thatlôpa, adona pasô chi ta, Thlua hlei hnei leina ryureina na padua haw; Adona ta ryureih chi ta, Siana ta Zakaw chô liata ryu na reih.

ISAI 11:4

Dyhchhiepazy chô liata adona ta ryureih aw ta, Lei chyhsa nônaipazy châta a khongâh kawpa ta a pachia aw. A pakah chôchahrei ta nôchhiepazy tu aw ta, A hmao hu ta hmoparaopazy a thie aw.

ISAI 9:6

Eima châta hawti vaw pih ta, Sawchapaw piepa eima châ haw. A ngiatlâh liata ryureina pahniehpa châ aw ta, A moh cha Ryhraotuh Noâhchhihpa, Kha­zoh Thatlôpa, Chhâzaw Paw, Dyhna Beipa bipa a châ aw.

THEIHTHAINA 8:12

Arawna luh liata sathaw pathaihpa bao ta, cha hawhna chata Arawna cha pathaisapa ta panano ta.

MATHAI 3:15

Zisu ta a chhy ta, “Â ryh tah thlâh ha teh. Siana zydua pakipa cha eima châta a ngiahpa a châ,” tah ta. Chatanachata paryhsa ha ta.

MATHAI 7:23

Cha tina chata ama hnohta, ‘Nâmo, moleina hmo a taopazy saih u, cha pahno beih veih ei na, na siesai teh u,’ ei tah aw ei.

LUKA 13:27

Châhrasala ano ta, ‘Ei cha chho ei, khataih tawhta a vypa ma nama châ, cha pahno veih ei na. Nâmo, hmo moleipa a taopa zydua saih u, kei tawhta sie syulyu ha teh u!’ a tah aw.

LUKA 3:22

Thlahpa Pathaihpa cha pôhpa hneipa ta, vachhuh hawhta za chô ta, Zisu chô liata a zâ choh ta. Avâ tawhta ao za pua ta, “Ei Sawchapaw kyh ei pachâpa na châ, na chô liata ei ly ngaita,” tah ta.

ZAWHÂNA 1:16

Ano pakina tawhta ngiachhiena to chyu pi ta, cha cha ngiachhiena chôta ngiachhie pachhuahna a châ.

ZAWHÂNA 20:17

Zisu ta a hnohta, “Na patu khah y, Paw lâ kiah mâh va na. Ei unawhzy lâ vawh la, ama hnohta, ‘Ei Paw nata nama Paw, ei Khazohpa nata nama Khazohpa lâ ei kiah aw,’ a tah na tahpa ta kei chho mah y,” tah ta.

ZAWHÂNA 3:34

Khazohpa tuapa ta Khazohpa bie reih tyh ta, ano cha bitaipa y leipa ta Thlahpa a pietuhpa a châ.

HMOTAOPAZY 2:28

Hrona lâpizy na pahnosa chi ta, Na ypâna vâta alyna ta eina pabie aw chi,’ tahpa ta a vaw reih haw.

RAWMA 8:29

A pahno chhieliepazy cha, a Sawchapawpa hawhta y awpa ta a rao chhielie ei. Chatanachata a Sawchapawpa cha unawh hluhpi hry liata sawchapaw uhtheipa a châ aw.

EPHESI 1:3

Khazohpa nata eima Beipa Zisu Krista Paw cha reithaipa ta y mawh sy. Ano chata avâ suzy liana khita Krista zawhzi ta thlahpa lâ byhnâ to miah pie ta.

HEBRAI 1:9

Siana pasô chi ta, Moleina nâ hao; Chavâta Khazohpa, na Khazohpa ta, Na viasazy hlâta rônah viapa ta, Thaphana sathaw a cha thu.

HEBRAI 2:14

Sawzy cha sapa nata thisaih azaona a hneipa ama châpa hawhta, ano chhao sapa nata thisaih hnei hra ta, a thina ta thina hmotaotheina a hneipa ahripa cha a pahleipadia haw.

HEBRAI 7:26

Cha hawhpa theihthai beichaipa, pathaihpa, palôh phapa, apuapa a bai leipa, moleipazy tawhta pananopa nata avâzy chô lâta cheihchalopa eima hnei awpa cha â ngiahpa rai a châ.

BIEPHUAH 21:27

Hmo puapa deikua cha kheihawhpa hmah a ngia thei aw vei. Hmo pasichhihpa a taopa nata haipa bie a reihpa ahy hmah a ngia thei hra aw veih vei. Mietakutaw hrona châbu liata moh ropazy deita ta amâ ngia thei aw.

1 SAMUELA 16:13

Samuela ta saki ôh sathaw cha la ta, ano cha a unawhzy hmiakô liata sathawthu ta. Cha noh tawhna chata, Abeipa Thlahpa cha Dâvi chô liata thatlô ngaitapa ta vaw tlô ta. Samuela cha thyu ta Râmâ lâ sie ha ta.