HLAZY 45:3 - Mara Bible RV (BSI)

³ Hy pasaipha, na zaozi na chai liata a saih la, Rônahna nata abeina ta a tobi mah y.

HLAZY 45:3 Cross References

ZAWBÂ 1:16

Bie a rei hai nota, chyhsa hropa vaw tlô ta, Zawbâ hnohta, “Avâ tawhta Khazohpa mei za tla ta, mietakuzy nata chakaotuhpazy kâ ta, a kâ patlô khai ha ei. Kei deita he thâtih cha chho awpa ta a vaw râpa ei châ,” tah ta.

HLAZY 104:1

Hy ei thlahpa, Abeipa cha reithai mah y! Hy Abeipa ei Khazohpa, na rônah ngaita kaw dia! Rônahna nata abeina zy ta a tobipa ta,

HLAZY 145:12

Chyhsa sawzy hnohta na hmotao rônahpazy pahnosa aw ei ta, Na khinarâh rônahzie nata ngiazie ama pahnosa aw.

HLAZY 145:5

Nâ beina rônahzie nata ngiazie reih aw na ta, Na hmotao noâhpazy ei reih tyh aw.

HLAZY 21:5

Na pachhana liata rônahna hmô ta, Palyupalihna nata abeina ta na tobi.

HLAZY 21:7

Abei ta Abeipa cha ngâ ta, Chônôchaipa zawngiahna vâta a chalyu aw vei.

HLAZY 96:6

A hmiakô liata rônahna nata abeina y ta, A supathaihpa liata thatlôna chhithaina a y.

HLAZY HLA 2:3

Râhmâhpa thozy hry liata epuh kô hawhta, Ei lôhdupaw chhao satliazy hry liata â lâ patlua. Palôhtlâh ngaitapa ta a nohdi ry liata a tyuh na ta, Ei pakah liata a thei a thlôh ngaita.

HLAZY HLA 5:13

A ôkhaihzy cha ropahâhpa rakhôzy lyu ta, Sibie roh thlôhpa tlâh byuhpazy a lyu. A hmaozy cha lilipawzy lyu ei ta, Deiryh ti a thlaoh ngâpa hmaozy a châ.

ISAI 49:2

Ei pakah he zaozi tiahpa hawhta tao ta, A ku nohpahli ry liata eina nyu; Châtai patliepa ta na tao ta, A châtai byh liata eina khô.

HMOTAOPAZY 10:36

Khazohpa ta Izarei sawzy hnohta bie vaw tlôkhei ta, Zisu Krista hmâpa ta thlalôhna thâtihpha cha ama hnohta vaw tlôkhei tlai ta, châhrasala Zisu cha ato zydua Beipa a châ.

RAWMA 14:9

Krista cha athihpa nata ahrohpa Beipa châ awpa ta, thi ta a hroh heihpa a châ.

HEBRAI 1:3

Ano cha Khazohpa rônahna khaihpaliepa nata Khazohpa chhichâna a hneipa châ ta, a bie hmotaotheina bie ta ato a pabohsa. Moleinazy a pathaisa khai tawhta, chô lâ Beichaipa chachâh lâta a tyuh ha ta.

HEBRAI 4:12

Khazohpa bie cha hroh ta, hmo tao thei ta, zaozi hâh nopa hlâta tiah via ta, hrona nata thlahpa, ru nata lathli pachhaih theina taihta chhôpahlie thei ta, palôh pachâna nata achhuahnazy a pahno thei.

HEBRAI 8:1

Rei eimâ chhuahpa cha he he a châ: Cha hawhpa theihthai beichaipa cha hnei pi ta, ano cha vârâh liata Beichaipa beidyuchhai chachâh lâta a tyuhpa châ ta,

ZUDÂH 1:25

eima Beipa Zisu Krista zawhzi ta miah Pachhatuhpa Khazohpa a y chhôhpa hnohna chata rônahna zy, abeina zy, ryureina zy, biehneina zy cha, daihti khô chiehpa zydua nata tahmâ nata tlyzaw ta y thlâh ha mawh sy. Amen.

BIEPHUAH 1:16

A ku chachâh lâta awhsi miasari chaba ta, a pakah tawhta zaozi hâh nopa vaw pua ta, a hmia cha nohchhô locho no hawhta a khaih.

BIEPHUAH 19:15

A pakah tawhta zaozi tiah ngaitapa vaw pua ta, cha chata phopizy chhawh aw ta, thua chôchahrei ta ama chô liata ryureih aw ta, Khazohpa Atotaotheipa hiehâhna ru ngaitapa kre saohna khaoh a tly aw.

BIEPHUAH 19:21

Ahropazy cha arâ a kiahpa pakah tawhta zaozi a vaw puapa ta chhawhsaopa châ ei ta, ama sapa cha pavaw zydua ta nie ei ta, rihbiepa ta ama y.

RYUREITUHPAZY 3:16

Ehu ta zaozi hâh nopa, dy kha a seihpa daih ta, cha cha a chysiazy ry liata nyupa ta, a chachâh lâ byhpi liata chahry pâ ta.