HLAZY 45:11 - Mara Bible RV (BSI)

¹¹ Na chhithaina ta abei hia patliasa aw ta, Ano cha na zibeipa châ tlôh ta, A hmiakô liata a bôh tyh mah y.

HLAZY 45:11 Cross References

HLAZY 2:12

Sawchapawpa cha pahnâ teh u, Chataleipatala a hiehâh aw ta, Lâpi liata nama leidia pathlei aw na, A pathi thlai ia tyh tlôh ta. Abeipa a chhaipa zydua cha ama nohlao na.

HLAZY 45:6

Hy Khazohpa, na beidyuchhai cha, Chhâzaw nata tlyzaw ta y ta; Nâ beinarâh chôchahrei cha, Adona chôchahrei a châ.

HLAZY 95:6

A vy u la, a chhypa ta a bôh sih la, Abeipa miah Taotuhpa hmiakô liata pakhu paneih ei suh u!

HLAZY HLA 1:8

Hy chanôzy hry liata chhithai chainô y, Na pahno vei khiahta la, Mietaku zaw hniehnôh vaw chathôh laih la, Mietaku vaituhpazy poh ozy kiah liata, Na mietaw chanôpazy vaw pasa mah y.

HLAZY HLA 2:14

Hy ei vachhuh, lôpanô keipazy liata a nyu chi ta, Lôkâhpa khuazy liata a y tyhpa y, Na hmia na pahmô la, Na ao na patheisa mah y; Na ao thlôh ta, Na hmia kho â chhih kaw dia!

HLAZY HLA 2:2

Ahlohzy hry liata lilipaw hawhta, Ei lôhdunô chhao laihsazy hry liata â ngia patlua.

HLAZY HLA 4:7

Nâ ngia paki tlai na, ei lôhdunô, Sei nawpa rai hnei va chi.

HLAZY HLA 6:4

Hy ei lôhdunô, Tizah hawhta a ngiapa ta, Zerusale hawhta kho a chhih chi ta, Pohraipazy a chaluahpa pheisaih hri hawhta, Hihâ na hnei ngaita.

ISAI 54:5

Châ Taotuhpa cha na vahpa châ ta, A moh Pheisaihzy Abeipa a châ; Châ Chatlaituhpa chhao Izarei Mo Pathaihpa châ ta, ‘Khizaw zydua Khazohpa,’ Tahpa ta awpa a châ.

ZEPHANIA 3:17

Abeipa na Khazohpa cha na hnohta y ta, Khazoh thatlôpa ta a cha pachha aw. Na chô liata a thapha aw ta, A palôh a tlâh aw; A kyhpachâna ta thlah cha palôh aw ta, Na chô liata â lyna hla a sa aw.’

LUKA 24:52

A pachupazy ta Zisu cha a naoh ei ta, a ly ngaitapa ta Zerusale lâ a lie ei ta,

ZAWHÂNA 20:28

Thawma ta a chhy ta, a hnohta, “Ei Beipa nata ei Khazohpa!” tah ta.

HMOTAOPAZY 10:36

Khazohpa ta Izarei sawzy hnohta bie vaw tlôkhei ta, Zisu Krista hmâpa ta thlalôhna thâtihpha cha ama hnohta vaw tlôkhei tlai ta, châhrasala Zisu cha ato zydua Beipa a châ.

RAWMA 14:9

Krista cha athihpa nata ahrohpa Beipa châ awpa ta, thi ta a hroh heihpa a châ.

PHILIPI 3:8

Cha dei châ vei, ei Beipa Zisu Krista pahnopa cha hmo hropa zydua hlâta sôh via ta, chavâta hmo to kyna ta ei rao khai. Krista cha ei thôhkhei thei nawpa ta, ano vâta hmo to ky na ta, hmo hropa zydua cha hnaihny hawh dei ta ei rao.