HLAZY 44:9 - Mara Bible RV (BSI)

⁹ Tahmâ deikua cha miah dythapa ta, Eima noh miah pazao ha chi ta, Eima pheisaihzy hnohta adyuhna lâ sie khao va chi.

HLAZY 44:9 Cross References

HLAZY 108:11

Hy Khazohpa, miah dytha ha va chi ma? Hy Khazohpa, eima pheisaihzy hnohta na sie khao vei he zaw!

HLAZY 43:2

Nâ cha ei bohna Khazohpa châ tlôh chi ta, Khazia eina dytha chi tly? Chariahpa tlybaina vâta, Khazia mâchhiesapa ta ei khie aw tly?

HLAZY 60:1

Hy Khazohpa, miah thy ha chi ta, Miah na papyu haw; Na hie cha pahâh ha pi ta, Miah paduapathi heih mah y.

HLAZY 60:10

Hy Khazohpa, miah dytha ha va chi ma? Hy Khazohpa, eima pheisaihzy hnohta na sie khao vei he zaw.

HLAZY 74:1

Hy Khazohpa, khazia chhâzaw ta miah thy chi ta, Khazia na sibiepa su liata mietakuzy cha, Na hiehâhna meikhuh ta na pa-uh khai ha ei tly?

HLAZY 88:14

Hy Abeipa, khazia ei hro he na dytha? Khazia na hmia eina nyusai chi?

ZEREMIAH 9:23

Abeipa ta hetana heta a tah: “Chyhsa sopa ta a sona a palaikhei khah sy; Chyhsa thatlôpa chhao a thatlôna a palaikhei leipa sala, Chyhsa hneirôhpa ta a hneirôna a palaikhei khah sy.

ZEREMIAH 9:24

Chyhsa ta â palaikhei awpa khiahta cha, He deita he a palaikhei mawh sy: Kei Abeipa he nôphapa châ na ta, Adona nata siana alei chô liata a taotuhpa ei châzie, Novâhpa ta eina pahnona a palaikhei mawh sy. Cha hmozy cha ei lyna châ tlôh ta,” Abeipa ta a tah.