HLAZY 44:2 - Mara Bible RV (BSI)

² Nâma ku tlai ta phopizy papuapa ta, Miah pathlatuhpazy cha loh chi ta; Phopizy pasasa chi ta, Miah pathlatuhpazy deikua cha na pabohsa ei.

HLAZY 44:2 Cross References

2 SAMUELA 23:12

Sâmâh deikua cha abie thih liah khophie liata a duah ta, liahsa vaih ta, Philistinâ mo cha thie ta, Abeipa ta pahniena rônahpa a patlôsa.

2 SAMUELA 7:10

Ei phopi Izarei châta su rao aw na ta, cha liata loh aw ei na ta, âmo su eihpa liata pahrâ aw ei ta, patypamâpa ta y khao aw veih ei. Eikhano hawhna khata, thachahra a hmâhpazy ta âmo cha pasasa khao aw veih ei.

HLAZY 105:44

Phopi hropa râhzy cha âmo pie ta, Phopizy hria chiehpa ryu ta a patosa ei.

HLAZY 78:55

Ama hmiakô liata phopizy papua ta, Ama râhzy cha Izarei chizy ryuto châta pachhaih ta, Izarei chizy cha phopizy poh ozy liata a pahrâsa ei.

PUASAINA 10:2

Chatanachata na sawchapawpa nata na samohpa nah theina liata Izi râh chô liata ei hmotaoziezy nata ama hry liata hmonoâhpa ei taopazy he chho aw chi ta, kei he Abeipa ei châ tahpa nama pahno thei aw,” tah ta.

PUASAINA 15:17

Na phopi cha a chhi aw chi ta, Na ryuto tlâh liata na loh ei; Hy Abeipa, na pahrâna châta na taopa su liata âmo cha loh aw chi ta, Na ku ta a paduapa supathaihpa lia tlai ta na loh aw ei.

PUASAINA 15:19

Phiraoh arâzy, talailihzy nata arâ a kiahpazy tilaipi chhôh lâ amâ ngia khai nahta, Abeipa ta tilaipi tizy cha vaw pakuasa ta, âmo cha a vao ha ei. Izarei sawzy deikua cha, tilaipi chhôh alei hipa liata ama sie.

PUASAINA 23:28

Na hmia lâta kheipangiah tuah aw na ta, cha chata Hivi mo, Kâna mo nata Hiti mozy na hmia lâta â chadai aw ei.

PUASAINA 34:11

“Tanoh ta bie ei cha piepa he zyh mah y. Amawri mo, Kâna mo, Hiti mo, Perizi mo, Hivi mo nata Zebu mozy cha na mohmô liata ei papua aw ei.

ISAI 51:9

Hy Abeipa bâh y, a hra la, a hra la, Thatlôna ta a tobi mah y. Chhâ a khô hapazy liata nâ hrapa hawhna khata a hra la, Hlâno daihti liata nâ hrapa hawhna khata a hra heih mah y. Rahâbi a chhawh pachhô khai hapa kha, Nâma châ chi ta; Drâkao a chô pahlietuhpa chhao kha, Nâma ma na châ vei?

ZEREMIAH 32:23

Bie nâ taih râh lâ cha a ngia ei ta, râh cha ama hnei. Châhrasala na bie a ngiah leipa ei ta, na ryhpa a chhih hra leipa ei ta, tao awpa ta bie na piepazy tao veih ei. Chavâta he chhiena zydua he ama chô liata na patlôsapa a châ hih.

MALUHREINA 13:32

Izarei sawzy hnohta râh ama kaw mohparupa kyh thâtih chhiepa za tlôkhei ei ta, zawpi hnohta, “Râh eima kaw mohparupa cha a chhôh liata a pahrâpazy a palâ khai hapa châ ta, a râh liata pahrâpa eima hmôpazy cha mo pahreihpazy ama châ.

RYHPACHANEINA 32:7

Hlâno daihti liata nohzy kha a thei u la, Chhâ hluhpi liata kôzy kha pachâ tua u; Nama pawzy hiahri u la, Ama cha pahmô aw; Machâzy hiahri u la, Ama cha chho aw.

RYHPACHANEINA 4:38

Nâmo hlâta phopi lai viapa nata thatlô viapazy nama hmia kô liata papua ta, tanoh nama hmôpa hawhna heta, ama râh cha nama ryuto châta cha pie awpa ta a châ kaw chhi ei.

RYHPACHANEINA 7:1

“Abeipa nama Khazohpa ta hnei awpa ta nama pangaipa râh a cha tlôkhei ti ei ta, phopi hluhpi, Hiti mo, Kikâsi mo, Amawri mo, Kâna mo, Perizi mo, Hivi mo nata Zebu mozy, nâmo hlâta maluh hluh viapa nata thatlô viapa phopi mia saripazy nama hmiakô tawhta a papua aw ei.

ZAWSUA 10:11

Izarei sawzy hmiakô tawhta a râpai ei ta, Behôrô chhutla ama chô hai nota, Abeipa ta avâ tawhta pareih laipa za patlasa ta, Azekâ tlôna taihta âmo cha daih lymâ ta, thata thi ei ta. Izarei sawzy ta zaozi ta ama thiepazy hlâ chhao ta pareih ta a daisaopa ama hluh via.

ZAWSUA 10:42

Abeipa, Izarei Khazohpa ta Izarei cha â dyuhkheipa vâta, cha bei zydua nata ama râhzy cha Zawsua ta ei kha ta a la khai thei ha ei.

ZAWSUA 11:23

Abeipa ta Mawsi hnohta a reipa zydua hawhta, Zawsua ta Kâna râh zydua la khai ta, ama chi apachhaihnazie hawhta ama ryuto râh a pie chyu ei. Chatanachata adyuhna pai ta, râh cha thlalôhpa ta y ha ta.

ZAWSUA 21:43

Cha hawhna chata Abeipa ta Izarei sawzy cha, ama pathlatuhpazy hnohta pie awpa ta bie â vaw taihpa râh zydua pie ta. Chatanachata râh cha hnei ei ta, cha liata pahrâ ei ta.

ZAWSUA 24:12

Nama hmia lâta kheihpangiah tuah na ta, cha chata âmo cha nama hmiakô tawhta a chadai ta, Amawri bei pano â chadaipai ha ei. Nama zaozi ta tlyma, nama libaw ta tlyma nama pahniepa châ vei.

ZAWSUA 3:10

Zawsua ta, “He hmozy liana heta Khazoh hrohpa cha nama hry liata y ta, nama hmiakô tawhta Kâna mo, Hiti mo, Hivi mo, Perizi mo, Kirkâsi mo, Amawri mo nata Zebu mozy a papua tlai aw ei tahpa nama pahno aw.

RYUREITUHPAZY 6:13

Kidia ta a hnohta, “Hy ei zibeipa, Abeipa eima hnohta a y tlôh khiahta cha, khazia ma he hawhpa hmo zydua he eima chô liata a vaw tlô tly? Miah pathlatuhpazy ta miah ama chho tyhpa, a hmo noâh taopa zydua kha khataih liata ma a y khai ha tly? ‘Abeipa ta Izi râh tawhta miah â kaw chhi,’ tahpa ta miah chho ei ta, tahmâ cha Abeipa ta miah pathlua ha ta, Midia ku liata miah a hlâ ha he zaw,” tah ta.