HLAZY 43:4 - Mara Bible RV (BSI)

⁴ Chatanachata Khazohpa maisâh lâ pangai aw na ta, Ei lyna chaipa Khazohpa lâ ei pangai aw. Hy Khazohpa, keima Khazohpa y, Totâ ta ei cha reithai aw.

HLAZY 43:4 Cross References

2 SAMUELA 6:5

Dâvi nata Izarei saw zydua cha totâzy, tlaipihzy, khoh chyhpazy, sakizy nata paotlâzy tôpa ta hla sa ei ta, Abeipa hmiakô liata a ly ngaitapa ta y ei ta.

HLAZY 26:6

Ei kuzy he seina hnei lei awpa ta a sipa ta, Hy Abeipa, na maisâh chahlô aw na ta;

HLAZY 33:2

Tlaipih ta Abeipa cha reithai u la, Totâ ri hrawhpa ta ano lâ hla sa teh u!

HLAZY 42:6

Ei khazohpa cha ei reithai heih aw. Ei thlahpa cha ei chhôh liata a khu thlâh ha ta, Chavâta nâ ei châ thei kaw dia! Zawdâh nata Hâmaw râh tawhta châ thei na ta, Mizari Tlâh tawhta ei châ thei.

HLAZY 57:8

Hy ei thlahpa, A hra teh! Hy tlaipih nata totâ zy saih u, A hra teh u! Kei ta khihdeipa ei pahra aw!

HLAZY 57:9

Hy Abeipa, phopizy hry liata alyna bie cha hlâ aw na ta, Râhzy hry liata na reithaina hla ei sa aw.

HLAZY 63:2

Chavâta su pathaihpa liata cha moh na ta, Na hmotaotheina nata na rônahna ei moh thlâh haw.

HLAZY 81:2

Reithaina hla sapa ta khoh tô u la, Totâ nata tlaipih pyu ngiapazy tô teh u.

ISAI 61:10

Myuhneituhpa ta theihthaipa hawhta a luh a tobi ta, Myuh ta lôsôhpazy ta â tobipa hawhta; Abeipa ta pachhana chysiazy ta na tobi ta, Siana poh eina pabu; Chavâta Abeipa liata thapha ngaitapa ta y aw na ta, Ei Khazohpa liata ei hro â ly ngaita aw.

ZEKARIA 13:9

A su thôhna cha mei ta ei pasia aw ei; Tâkâ pathaisapa hawhta pathaisa aw ei na ta, Ngôh pasiapa hawhta ei pasia aw ei. Ei moh pado aw ei ta, Ei chhy aw ei. Kei ta, ‘Ei phopi ama châ,’ tah aw na ta, Âmo ta, ‘Abeipa cha eima Khazohpa a châ,’ ama tah aw,” Abeipa ta a tah.

RAWMA 5:11

Cha dei châ vei, tahmâ aryhna miah a pahmôsatuhpa eima Beipa Zisu Krista vâta Khazohpa liata eimâ ly.

BIEPHUAH 5:8

Châbu chatypa a lapa nahta, hmohrohneipa miapalih nata machâ pakih nata papalihzy cha, totâ nata ngôh ropahâhpa ta a biepa ngôh biebuh a chaba chyupa ta, Mietakutaw hmiakô liata pao ei ta. Cha ropahâhpazy cha mopathaihpazy thlahchhâna a châ.