HLAZY 42:6 - Mara Bible RV (BSI)

⁶ Ei khazohpa cha ei reithai heih aw. Ei thlahpa cha ei chhôh liata a khu thlâh ha ta, Chavâta nâ ei châ thei kaw dia! Zawdâh nata Hâmaw râh tawhta châ thei na ta, Mizari Tlâh tawhta ei châ thei.

HLAZY 42:6 Cross References

2 SAMUELA 17:22

Dâvi nata a hnohta chyhsa a ypa zydua cha thyu ei ta, Zawdâh chaka ei ta. Khih vaw deih ta, Zawdâh chaka leipa ta siesaipa pakha hmah y veih ei.

2 SAMUELA 17:27

Dâvi cha Mâhanai a vaw tlô nahta, Amawna pathla Râbâ khihpa Nahâsâ sawchapawpa Sôbi, Lôdebâ khihpa Amie sawchapawpa Mâkhi nata Rôkeli khihpa Kilia chyhsa Bâzilai zy ta

HLAZY 133:3

Adyhna cha Hâmaw diati lyu ta, Zaio tlâhzy liata a tlapa diati tlai a lyu. Adyhna liana cha Abeipa ta byhnâ tona bie pie ta, Tlyzaw hrona bie a pie.

HLAZY 22:1

Ei Khazohpa, ei Khazohpa, khazia eina pathlua chi? Khazia na pachha leipa ta nâ hla chi ta, Ei hrôna biezy thei leipa ta einâ hla chi tly?

HLAZY 43:4

Chatanachata Khazohpa maisâh lâ pangai aw na ta, Ei lyna chaipa Khazohpa lâ ei pangai aw. Hy Khazohpa, keima Khazohpa y, Totâ ta ei cha reithai aw.

HLAZY 43:5

Hy ei thlahpa, khazia a khu chi ta, Khazia ei chhôh liata a tymâpa ta na y? Khazohpa hnabeiseih mah y. Ano cha reithai heih aw na ta, Ei pachhana nata ei Khazohpa cha ei reithai aw.

HLAZY 61:2

Ei palôh chhâ daihti liata, Alei chhâna tawhta cha pado na ta, Kei hlâta a sâh viapa lôpanô lâ nâ chhi mah y.

ZAWNA 2:7

Ei hrona a chhâ hai no ta, Abeipa cha a thei na ta, Ei thlahchhâna nâ lâ vaw tlô ta, Na Achhyna o pathaihpa lâ a vaw tlô.

MATHAI 26:39

A chyhta vawh via ta, â khu lâta pao ta, thlahchhâ ta, “Hy ei Paw, tao theipa a châ khiahta la, he nyu he rie na khôsai mawh sy. Châhrasala keima rei châ leipa sala, nâma rei tlao châ mawh sy,” tah ta.

MATHAI 27:46

Dawh thôh rachhôhpa liata, Zisu cha ao paro ngaitapa ta awh ta, “Eli, Eli, lâmâ sabakthâni?” tah ta, cha cha, “Ei Khazohpa, Ei Khazohpa, khazia eina pathlua chi?” tahna a châ.