HLAZY 42:4 - Mara Bible RV (BSI)

⁴ Ei hro ei palâhâh nahta, He hmozy he ei thei tyh: Zasâh manôhzy hnohta sie hrapa ta, Khazohpa o lâ a pangaipazy chhihtha tyh ei na ta; Thaphapa ta awh ta alyna bie reina chôta, Kyhchhi a hmâhpazy ei chhihtha tyh ei.

HLAZY 42:4 Cross References

2 ABEIZY 18:30

Hezekia ta, “Abeipa ta miah pachha tlai aw ta, he khihpi he Asuria bei ku liata piepa châ aw vei,”’ tahpa ta, Abeipa a ngâchhâ chhei awpa ta cha tao khah ei sy.

2 ABEIZY 18:32

A vy aw na ta, thi leipa ta nama hroh thei nawpa ta, nama râh hawhta sâh nata kresawhti puana râh, viahchhâ nata kre sadô yna râh nata ôli kôzy nata kheihti yna râh lâ ei châ chhi hlâlei ei cha, cha hawhta nama y lymâ thei aw. Hezekia ta, “Abeipa ta miah a pachha aw,” tahpa ta, châ chhi chhei a châ chhuahpa ei cha nathlie khuh vy.

2 THÂTIHZYRONA 7:10

Thla sarina, noh kih nata noh thôhna noh ta, zawpizy cha ama o lâ chyu padisa ta. Abeipa ta Dâvi nata Sawlawmaw nata a phopi Izarei sawzy chô liata a phana a palâsapa zydua vâta, alypa nata thaphapa ta ama o lâ chyu a di ha ei ta.

ZAWBÂ 29:2

“Aw, thla parohpazy liana kha y heih aw sah la, Khazohpa ta eina vaina nohzy hawhna khata;

HLAZY 100:4

Alyna bie reina chôta chhikao liata a ngia u la, Reithaina chôta a dôhpachhôh tlyhmia liata a ngia teh u! Alyna bie hlâ u la, A moh reithai teh u.

HLAZY 102:10

Na ruchhôna nata hiehâhna vâta, Na chalo chi ta eina thy pathla ha chi.

HLAZY 115:2

Khazia phopizy ta, “Ama Khazohpa cha khataih liata a y haw?” ama tah aw?

HLAZY 122:1

Chyhsazy ta ei hnohta, “Abeipa o lâ pangai ei suh u!” Ama tah nota ei ly kaw tyh.

HLAZY 122:8

Hy Zerusale, ei unawhzy nata ei viasazy vâta, “Na chhôh liata thlalôhna y mawh sy!” ei tah aw.

HLAZY 55:14

Nâ nata kei cha reikah thlôhpa ta bie reih khoh tyh pi ta, Khazohpa o liata a kao tyhpa mah eima châ tâh.

HLAZY 62:8

Hy chyhsazy saih u, ano cha khâ ngâ u la, A hmiakô liata nama palôh pakeichheih muh vy; Khazohpa cha eimâ chhaina a châ. Selah

HLAZY 79:10

Khazia ma phopizy ta, “Ama Khazohpa cha khataih liata a y?” ama tah aw? Châ chakaotuhpazy thisaih phuh miah lapa la, Eima hmiakô lia tlai ta, Phopizy hry liata pahnopa ta y mawh sy!

HLAZY 80:6

Eima chheipâh râhzy ta amâ chhu awpa ta miah tao chi ta, Eima chariahpazy ta miah ama pahneisao hih.

ISAI 30:29

Zâ kyhchhi pathaihpa hnei no hawhta hla sa aw ei chi ta, ramo tôna chôta Abeipa tlâh lâ khy ei ta, Izarei Lôpanô lâ ama khy no hawhta palôh thaphapa ta nama y aw.

CHAPHÔHTUNA 2:19

Thyu la, zâ ta awh la, Zâ vaina athaona maihta awh tyh mah y! Abeipa ypâna hmiakô liata, Na palôh ti hawhta patlai mah y! Khiliah su to liata nodipa ta a panaopa na sawzy châta, Ano lâ na ku pazawh mah y!

CHAPHÔHTUNA 4:1

Kheihtazieta ma ngôh khaih khao leipa ta, Ngôh suapa â nano ha tly! Lôsôhpa pathaihpazy chhao, Khiliah su to liata hiezâhpa ta ama y.

EZEKIA 46:10

Zawpi ama ngia tita, abei chhao ama hnohta a ngia aw ta, zawpi ama pua tita, abei chhao a pua hra aw.

ZÔELA 2:17

Abeipa chakaotuhpa theihthaipazy cha, Aikah nata maisâh likawh liata cha ei sala, Hetana heta cha mawh ei sy: “Hy Abeipa, na phopi he pahlôh la, Na ryutozy he pahneiparâsao awpa pasaih leipa la, Phopizy châta pakhona bie châ awpa pasaih khah y. Khazia phopizy hry liata, ‘Ama Khazohpa cha, Khataih liata a y haw?’ Ama tah aw?”

NÂHU 1:15

“Moh teh u, tlâhpizy liata thâtihpha vaw tlôkhei ta, Adyhna bie a vaw phuahtuhpa pheizy huh! Hy Zudâh, na kyhchhizy tao lymâ la, Na bietaizy patlô mah y; Moleipa cha tlokhuh chhawh pathlah hapa châ ta, Cha chapia heih beih khao aw vei.”

LUKA 16:25

Châhrasala Abarahâ ta, ‘Ei saw y, nâ cha na hro chhôh ta hmo phapa to chi ta, Lâzarâh deikua cha hmo chhiepa a topa kha pahno châh chi. Châhrasala tahmâ ano cha he liata thlahpalôhpa ta y ta, nâ cha pasa na tao kha zaw.

RYHPACHANEINA 16:11

Chatanachata Abeipa nama Khazohpa ta a moh y nawpa ta â tlyhpa su liata, nama sawchapawzy, nama sawchanôzy, nama seichapawzy, nama seichanôzy, Livai chi nama yna khih liata a pahrâpazy, nama hry liata a ypa chihropazy nata paw hnei leipa nata nôhmeizy chhaota Abeipa nama Khazohpa hmiakô liata thaphapa ta nama y aw.

RUTHI 1:21

Abiepa ta pua na ta, Abeipa ta aruapa ta o lâ eina vaw padisa haw. Khazia Naomi khâ eina tah ei chi, Abeipa ta thailei na pachâ ta, Atotaotheipa ta ei chô liata chhiena a patlôsa ha hih,” tah ta.