HLAZY 41:9 - Mara Bible RV (BSI)

⁹ Viasa lôhkhy ei ngâpa, Ei pati a niepa taihta, A phei eina thuah thlu.

HLAZY 41:9 Cross References

2 SAMUELA 15:12

Absalaw ta atheihnazy a hlâ chhôh ta chyhsa tuah ta, Kilô khihpa Ahitôphe, Dâvi ryhraokheituhpa cha, a khih Kilô lâ kei palasa ta. Teiparuna cha a thatlô via lymâ ta. Absalaw py chhao pôh via lymâ ei ta.

ZAWBÂ 19:13

“Ei unawhzy kei tawhta â hlapa ta paysa ta, Nâ pahnopazy nâ cha-uahpa ama châ khai ha bâ.

ZAWBÂ 19:19

Ei viasa lôhkhyzy ta na pasi ei ta, Kyh ei pachâpazy ta einâ heihnao ei.

HLAZY 101:3

Hmo pha leipa kheihawhpa rai, Ei mohmô liata soh aw va na. Lâpi a tleipazy hmotaopa a hao na ta, Kei liata a bai aw vei.

ZEREMIAH 20:10

Bieparu hluhpi thei na ta, Su to liata chichhihpa a y. Ei viasa phapazy ta, Ei pao awpa a byhpa ta, “Leih teh u! Leih ei suh u! Dôvei theipa a châ thlâh ngyu aw; Chatanachata pahnie aw pi ta, A chô liata eima phuh eima la thei aw,” ama tah.

ÔBADIA 1:7

Na viasa zydua ta na râhri taihta cha chadai ei ta, Nâ nata adyhna a taopazy ta Cha dôvei ei ta ama cha pahnie haw. Na viahchhâ a niepazy ta Na ry lâta khoheih cha chôkhâh ei ta, Châhrasala pahno va chi.

MIKÂ 7:5

Na opapa zo leipa la, Na viasa chhao ngâ khah y; Na kalachhôh liata a ziapa tawhta Na pakah ochhi vaih mah y.

MATHAI 26:23

Zisu ta, “Beikoh liata a ku nâ chapaolâhpa ta eina patusa aw.

ZAWHÂNA 13:18

Nama zydua kyh reih va na. Ei tlyhpazy cha ei pahno ei. Châhrasala, ‘Ei viahchhâ a niepa ta a phei chakoh eina hy thlu,’ tahpa Biehrai kha a vaw tlô aw.

RYHPACHANEINA 32:15

“Zesuruh cha vaw thawh ta â chapie. Vaw thawhpa ta, Vaw pahly chi ta, Na mithawh kaw. Châhrasala ano taotuhpa Khazohpa a heihsai ta, A pachhana lôpanô khâpasaw ta reih khao vei.