HLAZY 41:13 - Mara Bible RV (BSI)

¹³ Abeipa, Izarei Khazohpa cha, Chhâzaw nata tlyzaw ta reithaipa ta y mawh sy! Amen! Amen!

HLAZY 41:13 Cross References

1 ABEIZY 1:36

Zehôdâ sawchapawpa Benai ta abei cha a chhy ta, “Amen! Abeipa, ei zibeipa Khazohpa ta reih tlai mawh sy.

1 THÂTIHZYRONA 16:36

Abeipa Izarei Khazohpa cha, Chhâzaw nata tlyzaw ta reithaipa ta y mawh sy!” Chyhsa zydua ta, “Amen!” tah ei ta, Abeipa cha ama reithai.

1 THÂTIHZYRONA 29:10

Chavâta Dâvi cha zawpi zydua hmia­kô liata Abeipa reithai ta. “Hy Abeipa, miah pathlatuhpa Izarei Khazohpa y, chhâzaw nata tlyzaw ta reithaipa ta y mah y.

HLAZY 106:48

Abeipa, Izarei Khazohpa cha, Chhâzaw nata tlyzaw ta reithaipa ta y mawh sy! Chyhsa zydua ta, “Amen!” tah mawh ei sy! Abeipa cha reithai teh u!

HLAZY 147:6

Abeipa cha areisipazy cheihchalo ta, Hmoparaopazy deikua cha alei lâ a pazaw lymâ.

HLAZY 150:6

Husona a hneipa to ta Abeipa cha reithai mawh sy! Abeipa cha reithai teh u!

HLAZY 89:52

Abeipa cha tlyzaw ta reithaipa ta y mawh sy! Amen, Amen.

ZEREMIAH 28:6

Hrohsopa Zeremiah ta, “Amen! Na reipa hawhna chata Abeipa ta tao tlai mawh sy. Hrohsona bie na phuahpazy cha Abeipa ta vaw patlôsa tlai sala, Abeipa o liata hmobaohzy nata sei ta â tâhpa zydua cha, Babylaw tawhta he su lâ he vaw tlôkhei tlai mawh sy.

MALUHREINA 5:22

He chhiesana a patlôsapa ti he na py chhôh lâ a ngia sala, na py pathlohsapa ta, na byhpi a pazaohsa mawh sy,’ tah aw ta, chanô ta, ‘Amen, Amen,’ a tah aw.

MATHAI 6:13

Reipasaona lâta miah a chhi khah y, Moleipa tawhta miah pachha mah y. Khinarâh zy, hmotaotheina zy, rônahna zy, Chhâzaw nata tlyzaw ta na eih châ tlôh ta. Amen.’

1 KAWRINI 14:16

Na thlahpa ta alyna bie na reih khiahta cha, reihtheileipa hmopiepa a to leipa ta na biereipa pahno leipa aw ta, kheihta ma alyna bie na reipa cha “Amen” a tah thei aw?

EPHESI 1:3

Khazohpa nata eima Beipa Zisu Krista Paw cha reithaipa ta y mawh sy. Ano chata avâ suzy liana khita Krista zawhzi ta thlahpa lâ byhnâ to miah pie ta.

BIEPHUAH 11:17

“Hy Abeipa Khazohpa Atotaotheipa, A y haipa nata a y hapa y, Na hmotaotheina rônahpa ta ryureih chi ta, Alyna bie eima cha hlâ.

BIEPHUAH 22:20

He biezy a reihtuhpa ta, “Ei vy patoh tlai aw,” a tah. Amen. A vy mah y, Beipa Zisu!

BIEPHUAH 4:8

Hmohrohneipa miapalihzy cha mathlaw miacharu hnei chyu ei ta, ama pôhpa chô lâ nata chhôh lâ mokhaoh ta a biepa ama châ. Chatanachata, “Atotaotheipa Abeipa Khazohpa, A y hapa, a y haipa nata a vaw y awpa cha, A pathaih na, a pathaih na, a pathaih na,” tahpa ta a chalih beih leipa ta, chhô nah zâ ta ama reithai.

BIEPHUAH 7:12

“Amen! Reithaina, rônahna, sona, alyna biereina, palyupalihna, hmotaotheina nata thatlôna zy cha chhâzaw nata tlyzaw ta eima Khazohpa hnohta y mawh sy! Amen,” tahpa ta Khazohpa a chhy ei ta.