HLAZY 4:1 - Mara Bible RV (BSI)

¹ Hy ei siana Khazohpa y, Ei cha aw tita nâ chhy mah y! Ei nôpo nota huhiehna nâ pie tyhpa châ chi ta, Na ngiachhie la, ei thlahchhâna he rie thei mah y.

HLAZY 4:1 Cross References

ZAWBÂ 36:16

Pachârôhna tawhta cha papuapa ta, Pakhâpadiena y leina su kawhpa lâ châ chhi ta, Pati pahâh chaipazy ta na tlâhkhai a bie.

HLAZY 11:7

Abeipa cha asiapa châ ta, Siana hmotaopazy pasô ta, Chyhsa dopazy ta a hmia ama hmô aw.

HLAZY 116:16

Hy Abeipa, châ chakaotuhpa châ na ta, Na seichanô sawchapawpa, Châ chakaotuhpa ei châ hih.

HLAZY 116:6

Abeipa ta sona a phahlapazy hrôbieh tyh ta, Panawhpa ta ei y nota eina pachha haw.

HLAZY 119:132

Na moh a pasôpazy na ngiachhie tyhpa hawhta, Kei lâ a vaw heih la, Na ngiachhie mah y.

HLAZY 143:2

Na hmiakô liata la, Ahrohpazy hry liata mosiapa ama y leipa vâta, Châ chakaotuhpa he pachiana liata a ngiakhei khah y.

HLAZY 17:6

Hy Khazohpa, cha aw na ta, Einâ chhy aw chi; Kei lâta na nah pachôh la, Ei biezy thei mah y.

HLAZY 22:1

Ei Khazohpa, ei Khazohpa, khazia eina pathlua chi? Khazia na pachha leipa ta nâ hla chi ta, Ei hrôna biezy thei leipa ta einâ hla chi tly?

HLAZY 24:5

Cha chyhsa cha Abeipa tawhta byhnâ to aw ta, A pachhana Khazohpa tawhta siana a hmô aw.

HLAZY 25:16

Kei lâ a vaw heih la, na ngiachhie mah y, Yrupa nata pasataopa ta ei y hih.

HLAZY 31:8

Ei chariahpa ku liata na hlâ leipa chi ta, Ei pheizy su kawhpa liata na paduasa.

HLAZY 41:12

Ei dona vâta nâ duakhei chi ta, Na hmiakô liata khâ eina paysa chi.

HLAZY 42:1

Sakhi vahtie ti vâpa ta a pahlapa hawhta, Hy Khazohpa, nâma vâpa ta ei hro a pahla.

HLAZY 45:1

Ei palôh he bie thlôhpa ta khô pathlah ta, He hla châhzy ta abei cha hla phi na ta, Ei paleih he chârohtuhpa phapa châsôh hawhta a châ.

HLAZY 56:1

Hy Khazohpa, na ngiachhie mah y; Chyhsa ta na tlypâ ta, Nâ dyuhtuhpa ta noh y ta eina tlybai.

HLAZY 57:1

Hy Khazohpa, na ngiachhie la, Na ngiachhie tlai mah y, Ei hro ta nâ a châ chhai hih; Raona thlihpizy â pai hlâlei cha, Na mathlaw nohdi ry liata ei châ chhai aw.

HLAZY 6:1

Hy Abeipa, na hiehâhpa ta na ra leipa la, Na pathi iapa ta na chhorei khah y.

HLAZY 67:1

Khazohpa ta miah ngiachhie sala, Byhnâ miah pie sala, Eima chô liata a hmia pakhaihsa mawh sy. Selah

HLAZY 76:1

Zudâh liata Khazohpa pahno ei ta, Izarei liata a moh parônahsapa ta a y.

ISAI 45:24

Hetana heta ei thâtih ama reih aw: ‘Abeipa lia deita ta pahniena y ta, Ano lia deita ta thatlôna a y; Chyhsazy ano lâ a vy aw ei ta, A chô liata a ru a chhôpa zydua cha, Maophyuhpa ta ama y aw.

ZEREMIAH 23:6

“Zudâh cha ano ryureina daihtizy liata pachhapa châ aw ta, Izarei chhao â bohpa ta a y aw. A moh cha Zehôvâh Sede a châ aw.

HABAKU 3:19

Zehôvâh Khazohpa cha ei thatlôna châ ta, Ei pheizy he sakhih phei hawhta tao ta, Ei su sâhpazy liata eina pasiesa.

1 KAWRINI 1:30

Nâmo deikua cha, ano zawhzi ta Krista Zisu liata nama y. Ano cha keimo châta Khazohpa tawhta sona vaw châ ta, eima siana, pathaihna nata chatlaina a châ hra.

2 KAWRINI 1:10

Khazohpa ta thina chichhihpa tawhta miah pachha ha ta, miah pachha heih aw ta, miah a pachha lymâ aw tahpa eima hnabeiseihna ano liata eima pahnieh.

2 KAWRINI 1:8

Unawh saih u, Asia râh liata pasa eima taopa kyh kha nama pahno lei awpa khoh ma pi. Eima tao thei awpa hlâta a hri viapa ta miah vi ta, hro awpa chhao a ngâ khao ma pi.

1 SAMUELA 17:37

Dâvi ta, “Chakeibarôhneipa pheipato tawhta nata chavyh pheipato tawhta nâ pachhatuhpa Abeipa ta, he Philistinâ chyhsa ku tawhna heta eina pachha aw,” tah ta. Sawla ta Dâvi hnohta, “Sie mah y, na hnohta Abeipa y mawh sy!” tah ta.