HLAZY 39:5 - Mara Bible RV (BSI)

⁵ Ei hro nohzy he pazah tie deita ta tao chi ta, Na hmiakô liata la ei hro chhôh kôzy he khazie hmah châ vei. Chyhsapa hrona he la, Ei kha husopa hawh dei na a vaw châ. Selah

HLAZY 39:5 Cross References

ÂTHAONA 47:9

Zakaw ta Phiraoh hnohta, “Ei khitlyna kôzy cha kô 130 a châ. Ei hro chhôh kôzy cha chyhta ta, riethei â chhih kaw. Nâ pathlatuhpazy khitlyna nohzy liata ama hro chhôh kôzy a kho vei,” tah ta.

2 SAMUELA 19:34

Bâzilai ta abei hnohta, “Hrona kô nata noh zy khazie hnei chy na ta ma, abei hnohta Zerusale lâ cha ei sie hra aw tly?

ZAWBÂ 7:6

Ei nohzy he thaipheih hlâta chatlie via ta, Hnabeiseihna hnei leipa ta a khô tyh.

HLAZY 144:4

Chyhsapa cha hu ei kha sopa hawh dei châ ta, A hro chhôh nohzy cha nohpahli a lei tyhpa hawh dei a châ.

HLAZY 39:11

Chyhsapa cha a moleina vâta chhorei chi ta, A kho chaipa hmo chhao chhoma-u hawhta na niepa tyh. Chyhsa zydua he ei kha husopa hawh dei ama vaw châ tlai he! Selah

HLAZY 62:9

Mochyhpazy cha ei kha husopa hawh dei châ ei ta, Molaipazy chhao dôveina deita a châ; Khopathliahna liata a hua syulyu ha ei ta, Ama pano ta ei kha husopa hlâta amâ hua via.

HLAZY 89:47

Ei daihti chyuzie he a thei mah y! Khazia ma chyhsa saw zydua he, Hraolei­pa ta na vaw paysa ei tly?

HLAZY 90:12

Sona palôh eima hnei thei nawpa ta, Eima hro chhôh nohzy reizie awpa miah pachu mah y!

BIECHHOTUHPA 1:2

Biechhotuhpa ta, “Hraoleipa sai, hraoleipa sai, Hraoleipazy hry liata hrao lei chaipa, Ato hraoleipa sai a châ,” tah ta.

BIECHHOTUHPA 2:11

Ei hriapasa­na zydua nata ei ku ta ei hriapa zydua pachâ na ta, moh teh u, cha zydua cha hraoleipa châ ei ta, thlih a chadaipa deita a châ; noh ry liana heta hmo phahnaipa khâpa hmah y vei.

ISAI 40:17

Ano hmiakô liata la, Râh zydua he khâpa hmah a châ leipa hawhta châ ei ta, Ano pachâ ta la, Khâpa hmah a châ leipa hlâ chhao ta, Chyh viapa nata aruapa hawhta pachâpa ama châ.

ZÂMIE 4:14

mylâ khâpa hmo ma a y aw tahpa pahno tlôh ei chi va. Nama hrona cha khâpa ma a châ? Tihu buakha a vaw lâ ta, a lei heihpa hawh dei mah nama châ tâh.

2 PITY 3:8

Kho ngaitapa saih u, he hmo miakha he my khuh vy: Abeipa pachâ ta cha, noh kha he kô sâh kha hawhta châ ta, kô sâh kha chhao noh kha hawhta a châ.