HLAZY 39:13 - Mara Bible RV (BSI)

¹³ Sie aw na ta hmô khao leipa ta ei y hlâta, Buakha chhâ ei ly heih thei nawpa ta, Hmô lei nâ pachâ chy mah y!”

HLAZY 39:13 Cross References

ÂTHAONA 42:36

Ama paw Zakaw ta ama hnohta, “Sawzy pahlei awpa ta eina tao lymâ ei chi he. Zawsi y khao leipa ta, Simeôna chhao y khao hra vei. Tahmâ Benzami taih chhao a chhi a chhuah heih ei chi ta, hmo pha leipa sai ta eina tla thlu lymâ,” tah ta.

ÂTHAONA 47:9

Zakaw ta Phiraoh hnohta, “Ei khitlyna kôzy cha kô 130 a châ. Ei hro chhôh kôzy cha chyhta ta, riethei â chhih kaw. Nâ pathlatuhpazy khitlyna nohzy liata ama hro chhôh kôzy a kho vei,” tah ta.

ÂTHAONA 5:24

Enawka cha a hro chhôh ta khazohpa a kao tyh ta, chavâta Khazohpa ta ano cha la ha ta, hmô awpa y khao vei.

2 ABEIZY 20:3

“Hy Abeipa, na hmiakô liata ngâchhihpa nata palôh phao phapakipa ei hnei tyhzie nata na mohmô liata hmo phapa ei tao tyhzie zy kha, ngiachhiepa ta a thei thlâh ha mah y,” tah ta. Hezekia cha thata cha ta.

1 THÂTIHZYRONA 29:15

Miah pathlatuhpazy hawhna khata, keimo cha na hmiakô liata khichhaipa nata khitlyhpa hawh dei châ pi ta, alei liata eima hro nohzy he nohpahlipa hawh dei châ ta, hnabeiseih awpa rai y vei.

ZAWBÂ 7:19

Khachâ ma nâ heihsai leipa ta y aw chi ta, Ei pachih ei palâ chhôh chhao, Na pathlie leipa ta na y aw?

HLAZY 119:19

Alei liana he khitlyhpa deita châ na ta, Na biepiepazy na nyu khâh khah y!

HLAZY 18:7

Alei he a chathopa ta a chalyu ta, A hie a hâhpa vâta, Tlâhpizy abôna chhao a chachhao ta â sih.

THEIHTHAINA 25:23

“Râh cha nama zuah pathlah awpa châ vei. Râh cha kei eih châ ta, nâmo cha khichhaipa nata khitlyhpa, ei râh liata a pahrâ chypa dei nama châ.